Ramón Puente Barcala
Ramón Puente Barcala, nado en Tabeirós (A Estrada) o 21 de xullo de 1900[1] e finado en San Miguel de Castro o 3 de outubro de 1939,[2] foi un mestre e xornalista galego.
| Biografía | |
|---|---|
| Nacemento | 21 de xullo de 1900  Tabeirós, España |
| Morte | 3 de outubro de 1939 (39 anos) San Miguel de Castro, España |
| Actividade | |
| Ocupación | mestre, xornalista |
 | |
Traxectoria
editarFoi mestre interino de Graba (1929) e dende 1931 mestre nacional en Arnois. Promoveu certames escolares e foi redactor de El Emigrado, onde publicou artigos reflexionando sobre como mellorar a escola e propostas como á da formación continua ou a campaña contra os xoguetes bélicos para reis. Foi nomeado socio de mérito pola sociedade Hijos del Ayuntamiento de La Estrada en Cuba. Implicouse na loita polo Estatuto de autonomía de Galicia de 1936. Co golpe de Estado do 18 de xullo de 1936 foi depurado do maxisterio sendo suspendido de emprego e soldo. Finou con 39 anos na parroquia de San Miguel de Castro, onde estaba instalado pois alí exercía de mestra a súa muller. Foi soterrado no cemiterio da parroquia de Ouzande.
Vida persoal
editarCasou en maio de 1934 coa mestra Anuncia Blanco Coto.[3]
Notas
editar- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 44.
- ↑ El Emigrado, 30-10-1939, p. 2.
- ↑ El Emigrado, 16-5-1934, p. 4.