Rally Terra da Auga
O Rally Terra da Auga é unha proba de rally organizada dende 2014 nas comarcas de Betanzos e Arzúa, polo equipo A.D.N. Motor, ligado á Escudería Coruña,[1] e que é puntuable para o Súper Campionato de España de Rallys.
| |||
| Tipo | carreira automobilística  | ||
|---|---|---|---|
| Deporte | rally | ||
| Parte de | Súper Campionato de España de Rallys | ||
| Localización e Datas | |||
| País | España | ||
| Vixencia | 2014 – | ||
| Datos estatísticos | |||
| Máis títulos | Xavier Pons (4) | ||
| Outro | |||
| Páxina web oficial | rallydaauga.com | ||
_E._Pons.jpg)
Ata 2020 foi puntuable para o Campionato de España de Rallys de Terra. Inicialmente recibiu o nome de Rally Concello de Curtis, despois pasou a chamarse Rally Terras do Mandeo e dende 2017 leva o nome actual.[2][3]
Historia
editarNa súa primeira edición disputouse no concello de Curtis, onde o piloto de Vimianzo Amador Vidal se fixo coa vitoria aos mandos dun Volkswagen Polo N1, cunha vantaxe de máis de dous minutos sobre Nil Solans que foi segundo cun Škoda Fabia S2000. O podio completouno Juan Pablo Castro cun Subaru Impreza STi N15. Ao ano seguinte a proba contou coa presenza do estoniano Karl Kruuda, piloto do Campionato do Mundo, que se impuxo con clara vantaxe co seu Citroën DS3 R5, fronte a Amador Vidal, esta vez segundo clasificado e Ángel Pérez "Lanchiñas", terceiro cun Mitsubishi Lancer Evo IX. Na súa terceira edición a organización realizou o primeiro cambio de nome, pasando a proba a chamarse Rally Terras do Mandeo. Xevi Pons, na súa segunda participación, logrou a vitoria co Peugeot 208 N5, mesmo modelo de vehículo que o que logrou o triunfo en 2017, esta vez nas mans de José Antonio Suárez. Ese ano a proba cambiou de novo o nome a rally Terra da Auga, en referencia á abundante presenza da choiva e pasou a celebrarse no mes de maio. En 2018 Pons logrou a súa segunda vitoria, esta vez co Peugeot 208 T16 e ao ano seguinte a terceira cun Škoda Fabia R5, edición que foi ademais puntuable para o recentemente estreado Súper Campionato de España de Rally.
Palmarés
editarEste artigo (ou sección) está desactualizado(a). A información fornecida mudou ou é insuficiente. |
| Ano | Nome | Piloto | Copiloto | Automóbil | Series |
|---|---|---|---|---|---|
| 2014 | 1º Rally Concello de Curtis |  Amador Vidal
|
Fran Lema
|
Volkswagen Polo N1 | CERT |
| 2015 | 2º Rally Concello de Curtis |  Karl Kruuda
|
Martin Järveoja
|
Citroën DS3 R5 | CERT |
| 2016 | 3º Rally Terras do Mandeo |  Xevi Pons
|
Xavier Amigò
|
Peugeot 208 N5 | CERT |
| 2017 | 4º Rally Terra da Auga | José Antonio Suárez
|
Cándido Carrera
|
Peugeot 208 N5 | CERT |
| 2018 | 5º Rally Terra da Auga | Xevi Pons
|
Rodrigo Sanjuan
|
Peugeot 208 N5 | CERT |
| 2019 | 6º Rally Terra da Auga | Xevi Pons
|
Rodrigo Sanjuan
|
Škoda Fabia R5 | CERT, S-CER |
| 2020 | 7º Rally Terra da Auga | Nil Solans
|
 Claudi Ribeiro
|
Škoda Fabia R5 | CERT, S-CER |
| 2021 | 8º Rally Terra da Auga | José Antonio Suárez
|
Alberto Iglesias
|
Škoda Fabia R5 | S-CER, CERT |
Notas
editar- ↑ "La Escudería". www.escuderiacoruna.com. Consultado o 29 de xaneiro de 2020.
- ↑ "Presentación". www.rallydaauga.com. Consultado o 29 de xaneiro de 2020.
- ↑ "Rally Concello de Curtis". www.ewrc-results.com. Consultado o 29 de xaneiro de 2020.
Véxase tamén
editarLigazóns externas
editar| Wikimedia Commons ten máis contidos multimedia na categoría: Rally Terra da Auga |