Radar Imaging Satellite
Radar Imaging Satellite ou RISAT é o nome dunha serie de satélites de observación indios mediante radar.[1]
Características editar
Os satélites RISAT son satélites gobernamentais construídos pola ISRO e adicados á observación terrestre mediante radar para o estudo da Terra, o descubrimento e xestión de recursos, para o control da agricultura e do bosque, a medición da humidade do solo, para facer estudos xeolóxicos, do xeo marino, o control das costas e a axuda en emerxencias. Tamén teñen aplicación militar.[1]
RISAT 1, 1A e 1B editar
Os dous primeiros satélites RISAT foron lanzados en 2012 e 2022 respectivamente a bordo de foguetes PSLV-XL desde o Centro Espacial Satish Dhawan. Un terceiro está pendente de ser lanzado. Usan radar de apertura sintética en banda C e teñen unha masa de 1858 kg. Estabilízanse nos tres eixos e están formados por un prisma aproximadamente hexagonal unido a un cilindro ao que tamén vai unido unha parte con forma de cubo. A maior parte dos sistemas están integrados no prisma e no cilindro, mentres que os paneis solares e algúns subsistemas están no cubo. RISAT 1 foi posto fora de servizo en 2017.[2][1]
RISAT 2, 2B, 2BR1 e 2BR2 editar
RISAT 2 foi lanzado o 20 de abril de 2009 mediante un PSLV-CA e usa un radar en banda X comprado a Israel debido aos atrasos sufridos por RISAT 1. O radar está baseado no satélite TECSAR 1, mentres que o bus é completamente indio.[3][1]
RISAT 2B, 2BR1 e 2BR2 foron lanzados respectivamente o 22 de maio de 2019, o 11 de decembro de 2019 e o 7 de novembro de 2020. Os satélites teñen unha masa duns 600 kg e usan tamén o radar israelí. O bus ten forma hexagonal.[4][1]
Historial de lanzamentos editar
| Misión[1][2][3][4] | Data de lanzamento[1][2][3][4] | Foguete lanzador[1][2][3][4] | Notas[1][2][3][4] |
|---|---|---|---|
| RISAT 2 | 20 de abril de 2009 | PSLV-CA | Éxito |
| RISAT 1 | 26 de abril de 2012 | PSLV XL | Éxito |
| RISAT 2B | 22 de maio de 2019 | PSLV-CA | Éxito |
| RISAT 2BR1 | 11 de decembro de 2019 | PSLV-QL | Éxito |
| RISAT 2BR2 | 7 de novembro de 2020 | PSLV-DL | Éxito |
| RISAT 1A | 14 de febreiro de 2022 | PSLV XL | Éxito |
Notas editar
- ↑ 1,0 1,1 1,2 1,3 1,4 1,5 1,6 1,7 1,8 Mark Wade (2023). "RISAT 1, 1A" (en inglés). Consultado o 13 de outubro de 2023.
- ↑ 2,0 2,1 2,2 2,3 2,4 Gunter Dirk Krebs (2023). Gunter's Space Page, ed. "RISAT 1, 1A, 1B (EOS 04)" (en inglés). Consultado o 13 de outubro de 2023.
- ↑ 3,0 3,1 3,2 3,3 3,4 Gunter Dirk Krebs (2023). Gunter's Space Page, ed. "RISAT 2" (en inglés). Consultado o 13 de outubro de 2023.
- ↑ 4,0 4,1 4,2 4,3 4,4 Gunter Dirk Krebs (2023). Gunter's Space Page, ed. "RISAT 2B, 2BR1, 2BR2 (EOS 01)" (en inglés). Consultado o 13 de outubro de 2023.