Reganosa
Coordenadas: 43°27′44.34″N 8°14′21.36″O / 43.4623167, -8.2392667
Reganosa (Regasificadora do Noroeste Sociedade Anónima) é unha empresa galega adicada ó almacenamento e distribución de gas natural licuado (GNL) a través da súa terminal de Mugardos, na ría de Ferrol. Da súa actividade depende directamente a subministración das centrais eléctricas de ciclo combinado que Endesa e Unión Fenosa teñen nas Pontes de García Rodríguez e Sabón (Arteixo), respectivamente, así como outras industrias vía gasoduto, buques LNG e camións cisterna. En España existen seis plantas regasificadoras: Barcelona, Huelva, Bilbao, Sagunto, Cartaxena e Mugardos.[3]
| Reganosa | |
|---|---|
 | |
 Reganosa vista dende a ría de Ferrol | |
| Tipo | Sociedade Anónima |
| Fundación | 1999 |
| Matriz | Gadisa |
| Localización | Punta Promontoiro, s/n. 15620 Mugardos, A Coruña  Galicia |
| Fundador | Roberto Tojeiro Díaz |
| Persoas clave | José María Paz, Director[1] Grupo Tojeiro 20,28% Xunta de Galicia 17,5% Gas Natural Fenosa 21% Sonatrach 10% First State Regasificadora 15% Forestal del Atlántico 16,22%[2] |
| Industria | Enerxía |
| Produtos | Gas natural |
| [ editar datos en Wikidata ] | |
Inicios do proxecto
editarAs orixes da planta de gas de Ferrol están nun proxecto que Enagas, entón filial de Gas Natural, tiña para construír unha planta regasificadora nos terreos que agora ocupa o Porto Exterior de Ferrol. O proxecto non pasou das formalidades iniciais aínda que o terreo no que se proxectaba a planta chegou a estar valado e sinalizado. Abandonado o proxecto foi o Grupo Tojeiro o que retomou a idea pero trocando a localización na entrada da ría de Ferrol polos terreos de Forestal del Atlántico, en Mugardos. Os terreos entón ocupados por Enagas pasaron á Autoridade Portuaria de Ferrol[4].
O LNG en España
editarEspaña é un dos países europeos con maior capacidade en infraestruturas de gas. A finais de 2017 o Sistema Gasista español estaba formado por 11.369 km de gasodutos de transporte primario e un total de 13.361 km incluíndo os secundarios.[5]
| Planta | Nº de Tanques | Capacidade m³ | Notas |
|---|---|---|---|
| Mugardos | 2 | 300 000 | |
| Xixón | 2 | 300 000 | parada |
| Bilbao | 3 | 450 000 | |
| Barcelona | 6 | 760 000 | |
| Sagunto | 4 | 600 000 | |
| Cartagena | 5 | 587 000 | |
| Huelva | 5 | 619 500 | |
| Tenerife | en proxecto | ||
| Gran Canaria | en proxecto | ||
Situación legal
editar
Dende que o grupo Tojeiro, promotor da regasificadora, fixo público o seu interese en construír a planta nas súas instalacións de Forestal do Atlántico, en Mugardos, formouse un grupo de cidadáns na comarca preocupados polos riscos ambientais e de seguridade que supoñía esta instalación gasística dentro da ría. O Comité Cidadán de Emerxencia para a Ría de Ferrol acudiu a institucións locais, autonómicas, estatais e da Unión Europea para denunciar a planta. Tódalas sentenzas foron favorables ao CCERF, sendo a día de hoxe a situación legal da planta máis que precaria.
Coa chegada en maio de 2007 do Galicia Spirit[6], o primeiro gaseiro de 280 metros de eslora e 140.000 metros cúbicos de gas LNG, á planta de Mugardos organizouse unha multitudinaria protesta tanto en terra como na ría á que se sumaron os mariscadores. Varias persoas foron detidas e a Garda Civil denunciou a varios mariscadores por desobediencia á autoridade. Oito destes mariscadores foron xulgados en marzo de 2012[7] e sete deles foron condenados a penas de entre seis meses e sete meses e medio[8].
Dende a posta en marcha da planta o Comité Cidadán de Emerxencia para a ría de Ferrol organiza concentracións cada vez que un gaseiro entra na ría de Ferrol.
REGANOSA tivo un déficit de 58 millóns de euros en 2011.[9] En outubro de 2013 a empresa anunciou o pintado dos tanques de gas do complexo para mellorar a súa imaxe e integración co contorno[10].
Notas
editar- ↑ «Reganosa está á cabeza de todo novo proxecto no sector», artigo de Beatriz Couce en La Voz de Galicia, 16 de outubro de 2013.
- ↑ "Composición Accionarial de Reganosa". Arquivado dende o orixinal o 03 de setembro de 2014. Consultado o 29 de agosto de 2014.
- ↑ "Plantas de Regasificación en España". Arquivado dende o orixinal o 11 de xullo de 2018. Consultado o 02 de outubro de 2018.
- ↑ Sola, Manuel V. La Voz de Galicia, ed. "Fenosa desafía en público a Enagas a que la planta de Ferrol funcionará en el 2005". Arquivado dende o orixinal o 17 de outubro de 2013. Consultado o 16 de outubro de 2013.
- ↑ "El gas en España" (PDF).
- ↑ "El Galicia Spirit entra en Reganosa", El País, 9 de maio de 2007 (en castelán).
- ↑ "Descamisados" Arquivado 03 de agosto de 2012 en Wayback Machine., texto de Manuel Cendán en Diario de Ferrol
- ↑ "Penas de cárcel por el cierre de la ría a un barco gasero", artigo en La Voz de Galicia, 10 de xullo de 2012 (en castelán)
- ↑ "Reganosa funcionou 260 días por debaixo do mínimo técnico de seguridade en 2011", artigo en Praza Pública.
- ↑ Diario de Ferrol (ed.). "Reganosa pinta franjas verticales en los tanques". Consultado o 18 de outubro de 2013.
Véxase tamén
editarWikimedia Commons ten máis contidos multimedia na categoría: Reganosa  |