Abrir o menú principal

O Wouri (tamén grafado Vouri ou Vuri) é un río de Camerún, que desemboca no océano Atlántico despois de percorrer 160 km.

Río Wouri
Embouchure du Wouri.jpg
Estuario do río Wouri
PaísCamerún
Lonxitude160 km
DesembocaduraGolfo da Guinea (Océano Atlántico)

Índice

PercursoEditar

O Wouri está formado pola confluencia doutros dous ríos, o Ykam e o Makombé, que se xuntan 32 km ao nordeste da cidade de Yabassi. O Wouri flúe a partir de aí por 160 km, en dirección sueste, até formar o seu estuario á par da cidade de Douala, o porto máis importante e o principal centro industrial de Camerún, no suroeste do país, sobre o golfo da Guinea.

NavegabilidadeEditar

O río é navegábel por 64 km, augas arriba, a contar desde Douala.

Exploración e nomesEditar

Cóidase que foi o explorador e navegante portugués Fernão do Pó, ou Fernando Poo, o primeiro europeo que se achegou ao estuario do río Wouri, arredor do ano 1472. El e os seus acompañantes notaron a abundancia de camarónss e langostíns que había no río, polo que o denominaron Rio dos Camarões, de aí procede, precisamente, o nome do país: Camerún.

 
A ponte de Bonabéri

A ponte BonabériEditar

Na década de 1950, durante o período colonial, os franceses construíron unha ponte sobre o Wouri, que ligaba a cidade de Douala con a de Bonabéri. Dita ponte tornouse nun dos eixos máis importantes para a economía do oeste camerunés, polo intenso tráfico que soporta. En 2004 a ponte sufríu importantes obras de rehabilitación.