Primitivo Rodríguez Sanjurjo

Primitivo Elio Rodríguez Sanjurjo, nado en Ourense en 1880 e finado en Lugo o 20 de decembro de 1947, foi un intelectual e escritor galego.

Primitivo Rodríguez Sanjurjo

Biografía
Nacemento	1880 Ourense, España
Morte	20 de decembro de 1947 (66/67 anos) Lugo, España
Lugar de sepultura	Cemiterio de San Francisco de Ourense
Actividade
Ocupación	escritor
Membro de	Real Academia Galega (membro correspondente)
Xénero artístico	Narrativa
Familia
Cónxuxe	Raquel Salgado

Traxectoria

Procedía dunha familia de Pobra de Seabra. Licenciado en Dereito pola Universidade de Salamanca e en Filosofía e Letras pola Universidade de Madrid. En 1920 marchou a Estados Unidos de América para desempeñar unha cátedra de Literatura Española do século XIX na Cornell University Ithaca (Nova York). Catedrático de instituto en Baeza e Ourense, en 1932 obtivo a praza de catedrático de Xeografía e Historia no instituto de Lugo.

Experto en mitoloxía e astroloxía (introduciu a Vicente Risco no orientalismo), e lector de Rubén Darío, Verlaine e Baudelaire, influíu nos membros da Xeración Nós, especialmente en Otero Pedrayo, cos que compartiu parladoiros e conferencias no Ateneo de Ourense.

Colaborou en La Centuria co pseudónimo de Beta Herculis. Foi académico correspondente da Real Academia Galega.

Vida persoal

Primitivo Sanjurjo e Raquel Salgado.

Casou en 1921 con Raquel Salgado, filla de Francisco Salgado López-Quiroga.

Obras

• Las mesetas ideales, 1910.
• Escenas de gigantomaquia, 1923.
• Errores de la actual división provincial de España y fundamentos geográficos para una nueva división en provincias, 1925.

Véxase tamén

Bibliografía

• Vázquez-Monxardín Fernández, A. e Arias Chachero, P. (2016): Primitivo Rodríguez Sanjurjo y su eplistolario con Otero Pedrayo.

Ligazóns externas

• Pequena biografía