Portela, Cuntis

Para outras páxinas con títulos homónimos véxase: Portela.

Santa Eulalia de Portela é unha parroquia que se localiza no norte do concello de Cuntis, na comarca de Caldas. Segundo o IGE en 2011 tiña 210 habitantes (117 mulleres e 93 homes), 101 menos ca en 1986. En 1836 tiña unha poboación de feito de 327 persoas.

Portela
Igrexa de Santa Eulalia de Portela.
Concello	Cuntis
Provincia	Pontevedra
Coordenadas	42°40′50″N 8°33′13″O
Área	6,2 km²
Poboación	210 hab. (2011)
Densidade	33,87 hab./km²
Entidades de poboación	4
[ editar datos en Wikidata ]

Situación

A parroquia sitúase preto da portela que separa os vales do Vea (afluente do Ulla) e do Gallo (afluente do Umia), na parte alta deste último e na súa ribeira dereita xunto cos lugares da Casa da Cruz, Ferreiros, Piñeiro, A Casiña e A Anllada (pertencentes a Arcos de Furcos) e a parroquia toda de Couselo.

De leste para oeste sitúanse Loureiro de Arriba (na parte esquerda do collado mirando cara ao val do Gallo), Loureiro de Abaixo, Novás (estes dous xa na parte central) e Portela (na parte esquerda e nas abas de Pedra Lobeira, na serra de Xesteiras). O rego Carbáns (afluente do Gallo) ten o seu nacemento nas proximidades da pista asfaltada que une Portela con Novás, xunto á escola infantil. Dito rego xunto cos seus regatos tributarios desemboca, xunto ó rego Sequeiros que ven de Couselo, no río Gallo nunha paraxe preto do lugar da Anllada (Arcos de Furcos).

A N-640 pasa polo medio do núcleo de Novás e nel conéctase coa estrada que baixa polas curvas da Bragada en dirección ó Souto de Vea (A Estrada) e Santiago de Compostela.

Patrimonio

Preto de Loureiro de Arriba e da veciña aldea do Piñeiro (parroquia de Arcos de Furcos) atópanse os castros de Castroloureiro e da Aurela, no medio dun eucaliptal e aínda soterrados baixo terra, o primeiro na marxe dereita do val do rego Freixiño (xunto con Loureiro de Riba) e o segundo na esquerda (xunto co Piñeiro).

Destaca-la capela da Nosa Señora de Loreto, situada en Loureiro de Abaixo, e a igrexa parroquial de Santa Eulalia, situada no lugar de Portela. Tamén o conxunto de 7 muíños fariñeiros no regato que discorre polo medio do lugar de Portela, aínda que en mal estado de conservación.

Galería de imaxes

• 
  Pía no adro de Portela.

Lugares e parroquias

Lugares de Portela

Lugares da parroquia de Portela no concello de Cuntis (Pontevedra)
Loureiro de Abaixo | Loureiro de Arriba | Novás | Portela

Véxase tamén

Outros artigos

• Lugares de Cuntis