Policarpo Sanz
José Policarpo Sanz Soto, nado en Marín o 25 de xaneiro de 1841 e finado en París o 9 de novembro de 1889, foi un industrial e mecenas galego.
| Policarpo Sanz | |
|---|---|
 | |
| Nome completo | José Policarpo Sanz Soto |
| Nacemento | 25 de xaneiro de 1841 |
| Lugar de nacemento | Marín |
| Falecemento | 9 de setembro de 1889 |
| Lugar de falecemento | París |
| Nacionalidade | España |
| Ocupación | empresario |
| Cónxuxe | Irene de Ceballos |
| [ editar datos en Wikidata ] | |
TraxectoriaEditar
Fillo do peiteador tudense Diego Sanz Cividanes e da viguesa Antonia Soto Díaz, naceu en Marín, se ben a súa infancia transcorreu en Vigo. Como emigrante en Cuba, primeiro, e nos Estados Unidos de América, despois, José Policarpo Sanz Soto construíu un importante grupo industrial, axudado tamén polo seu casamento con Irene de Ceballos, adiñeirada herdeira de orixes cubanas.
Fixo testamento en 1888. Despois da súa morte e a da súa muller e herdeira única e universal que o sobreviviu 46 anos, seguíndose o seu desexo, a súa inmensa colección de obras de arte foi doada ao Museo Municipal de Vigo. Nesa colección atopábanse importantes cadros de pintores flamengos, franceses, italianos e españois.[1]
Tralo seu pasamento en París en 1889, os seus restos embalsamados, foron trasladados en 1891 ao antigo cemiterio de Vigo de Picacho, e máis tarde a un panteón ao daquela novo Cemiterio de Pereiró.
Na súa honra, o concello de Vigo bautizou unha das súas principais rúas co nome do mecenas, que hoxe é o enderezo das sedes de institucións bancarias, de teatros e centros culturais.
NotasEditar
- ↑ Lamas, Jorge (12/9/2015). "Réquiem por Policarpo Sanz". La Voz de Galicia (en castelán).
Véxase taménEditar
BibliografíaEditar
- Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 108. VG 955-2010.