Pobo omaha
Os omaha[1] son un pobo indíxena recoñecido federalmente como unha tribo, que reside na reserva india Omaha no nordeste de Nebrasca e o oeste de Iowa, nos Estados Unidos de América. A finais do século XVII, os omaha migraron dende a área do alto Missouri e as chairas até o val do río Ohio. Falan a lingua omaha, unha lingua síux moi semellante á fala dos ponca. Os ponca formaban parte dos omaha antes de separarse noutra tribo a mediados do século XVIII.
| Pobo omaha | |
|---|---|
 Bailarín tradicional omaha. | |
| Poboación | |
| Poboación total: 6 000 | |
| Rexións principais: | |
 Estados Unidos | Nebrasca e Iowa |
| Aspectos culturais | |
| Lingua | Lingua omaha-ponca e sinais dos indios das chairas |
| Relixión | Relixión tribal tradicional, Danza do Sol, Native American Church, Cristianismo |
| Grupos relacionados | Síux |
Arredor do ano 1770, os omaha convertéronse no primeiro pobo das chairas do norte en adoptar a cultura ecuestre.[2] Desenvolvendo "The Big Village" (Ton-wa-tonga) en 1775 no norte de Nebrasca, os omaha crearon unha gran rede de comercio cos primeiros colonos europeos e os exploradores francocanadenses. Controlaron o comercio da pel e o acceso a outras tribos do alto Missouri.
Omaha, Nebrasca, a meirande cidade do estado, leva o seu nome por este pobo. Non se coñece que se ergueran en armas contra os Estados Unidos, e axudaron ó bando unionista na guerra civil estadounidense.
Notas editar
- ↑ Definición de omaha no Dicionario de Galego de Ir Indo e a Xunta de Galicia.
- ↑ Paulette W. Campbell, "Ancestral Bones: Reinterpreting the Past of the Omaha" Arquivado 11 de xaneiro de 2018 en Wayback Machine., Humanities, November/December 2002, Volume 23/Number 6, consultado o 26 de agosto de 2011