Platichthys flesus
| Platichthys flesus Solla, platuxa das pedras | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||
| Estado de conservación | |||||||||||||||||||||||||||
 Pouco preocupante | |||||||||||||||||||||||||||
| Clasificación científica | |||||||||||||||||||||||||||
| |||||||||||||||||||||||||||
| Nome binomial | |||||||||||||||||||||||||||
| Platichthys flesus (Linnaeus, 1758) | |||||||||||||||||||||||||||
Platichthys flesus Linnaeus, 1758, é un peixe teleósteo da orde dos pleuronectiformes, suborde dos pleuronectoideos, familia dos pleuronéctidos e subfamilia do pleuronectinos, pertencente ao xénero Platichthys,[1] coñecida en galego como solla,[2] e tamén como platuxa das pedras,[3] que vive nas costas do Atlántico, sobre fondos areosos ou fangosos, ás veces de grava, desde o mar de Barents até noroeste de África e no Mediterráneo, até o mar Negro.[4]
Como todos os peixes da familia dos pleuronéctidos, ten o corpo aplanado, asimétrico, e os dous ollos situados no mesmo lado, na cara pigmentada.
Taxonomía
editarA especie foi descrita en 1758 por Linneo na 10ª edición do seu Systema Naturae baixo o nome de Pleuronectes flesus.[1][5]
Sinonimia
editarAo longo da historia foi coñecida polos seguintes sinónimos:[1]
- Flesus vulgaris Moreau, 1881
- Platessa carnaria Brown, 1830
- Platessa glabra Rathke, 1837
- Platichthys flesus bogdanovi (Sandeberg, 1878)
- Platichthys flesus flesus (Linnaeus, 1758)
- Platichthys flesus luscus (Pallas, 1814)
- Platichthys flesus marmorata Nordmann, 1840
- Platichthys flesus trachurus (Duncker, 1892)
- Pleuronectes bogdanovii Sandeberg, 1878
- Pleuronectes flesoides Pontoppidan, 1766
- Pleuronectes flesus Linnaeus, 1758 (nome orixinal)
- Pleuronectes flesus baltica Suvorov, 1925
- Pleuronectes flesus caninensis Suvorov, 1929
- Pleuronectes flesus leiurus Duncker, 1892
- Pleuronectes flesus luscus Pallas, 1814
- Pleuronectes flesus septentrionalis Berg, 1949
- Pleuronectes flesus septentrionalis Surorov, 1925
- Pleuronectes flesus trachurus Duncker, 1892
- Pleuronectes italicus Günther, 1862
- Pleuronectes luscus Pallas, 1814
- Pleuronectes passer Linnaeus, 1758
- Pleuronectes roseus Shaw, 1796
Características
editar
Os principais caracteres morfolóxicos desta especie son:[2][4]
- Corpo de forma oval, coa pel con verrugas óseas ao longo da liña lateral.
- Así mesmo pesenta escamas rugosas na base das aletas dorsal e anal.
- Pode chegar até case os 60 cm de lonxitude como máximo, e máis dos 2,5 kg de peso, aínda que raramente se capturan espécimes de máis de 40 cm de longo e 1 kg de peso.
- A boca é pequena, con dentes cónicos fortes nas placas farínxeas, que son óseas e cortantes.
- A aleta dorsal comeza á altura do ollo superior, e a anal detrás da base da aleta pectoral. Os raios centrais de ambas as dúas aletas son de maior tamaño que as demais, o que lle dá ao corpo do peixe unha foma romboidal.
- A aleta audal é grande, co bordo posterior truncado ou arredondado.
- A coloración da cara pigmentada é apardazada ou verdosa, con manchas irregulares claras e escuras.
- Como particularidade desta especie, habitualmente ten os ollos no lado dereito, pero nalgunhas partes da súa área de distribución máis dun terzo dos individuos téñenos no esquerdo.
Hábitat e bioloxía
editarEsta especie vive preferentemente sobre fondos areosos de 20 a 40 m de profundidade. Soporta moi ben as diferenzas de salinidade, chagando a entrar en ocasións en zonas de auga doce. Aliméntase de puenos peixes, moluscos e crustáceos. Reprodúcese en primavera en zonas profundas e de alta salinidade.[2][4]
Estado de conservación
editarSegundo a UICN o status da especie na actualidade está cualificado como LC (pouco preocupante).[6]
En Galicia
editarA primeira cita en augas de Galicia débese a De Buen, en 1935, como Flesus flesus.[2]
Notas
editar- ↑ 1,0 1,1 1,2 Platichthys flesus (Linnaeus, 1758) no WoRMS.
- ↑ 2,0 2,1 2,2 2,3 Rodríguez Villanueva et al. (1995), pp. 300-301.
- ↑ Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8, p. 82.
- ↑ 4,0 4,1 4,2 Muus, Bent J. et al (1998), pp. 268-260.
- ↑ Linnaeus, C. (1758): Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis. Editio decima, reformata. Laurentius Salvius: Holmiae.
- ↑ Platichthys flesus na Lista vermella da UICN.
Véxase tamén
editarWikimedia Commons ten máis contidos multimedia na categoría: Platichthys flesus  |
| Wikispecies posúe unha páxina sobre: Platichthys flesus |
Bibliografía
editar- Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
- Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
- Rodríguez Villanueva, X. L. e Xavier Vázquez (1995): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-870-2.
Outros artigos
editarLigazóns externas
editar- Platichthys flesus (Linnaeus, 1758) en FishBase (en inglés). Informacións, imaxes e mapa de distibución.
- Platichthys flesus en ADW.
- Platichthys flesus no NCBI.