Picaraño

Picaraño foi un periódico publicado en Entrimo entre 1909 e 1910.

Historia e características

Subtitulado Periódico Republicano Radical Revolucionario, apareceu o 1 de xuño de 1909. Tiña como lema "Su misión es zurrar la badana". Publicábase os días 15 e 30 de cada mes. O seu director e propietario era Vicente González. De contido anticlerical, asume como propia a tríade ideolóxica da Revolución Francesa (Liberté, égalité, fraternité). Tiña colaboradores correspondentes en Lisboa, Buenos Aires, Salamanca e Bande. Publicou poemas de Aureliano Pereira e Manuel Curros Enríquez.

Valcárcel López, Marcos (1987). A prensa en Ourense e a súa provincia. Ourense: Deputación Provincial. p. 161. ISBN 84-505-5721-6.
"Entrimo tivo, a principios de século, un xornal de seu" (PDF). Todo Entrimo (Concello de Entrimo) (4): 5–6. 1993. Arquivado dende o orixinal (PDF) o 13/9/2019.
"Picaraño, O". Enciclopedia Galega Universal. Ir Indo. 1999-2002. ISBN 84-7680-288-9.