Padrón ático

sistema ponderal e monetario ateniense

O padrón ático foi un estándar ponderal e monetario utilizado durante o período helenístico. Coñécese tamén como padrón eubóico (de Eubea).[1] Despois de Alexandre o Grande, os outros padróns monetarios gregos, excepto o estándar de Rodas, foron abandonados en prol do ático.

Tetradracma ateniense ca. 520-510 a. de C. Peso:17,09 g. Padrón ático

O padrón ático foi perdendo peso progresivamente durante o seu período de existencia.[2]

Historia editar

 
Peso de bronce consonte o padrón ático. Peso: 446 gr

A unidade en que se baseaba o padrón monetario ático era de arredor de 17,26 gramos de prata, o que o diferenciaba do utilizado no Exipto tolemaico.[3][1][4]

Filipo II de Macedonia adoptou o sistema ático para o seu reino, do mesmo modo que Alexandre o Grande.[2] A adopción por parte do Imperio Macedonio do padrón ático provocou a desaparición do resto dos sistemas bardante o padrón de Rodas, xa que os rodios tiñan un ámbito comercial propio ben establecido con áreas como Exipto.[5]

Durante os 300 anos do período elenístico, o padrón ático experimentou sucesivos cambios. Na época de Alexandre o Grande, o tetradracma pesaba 17,28 gramos de prata, en tanto que en 300 a. de C. xa baixara lixeiramente ata os 17,20 gramos. A ceca da Antioquía seléucida constata un proceso continuo de diminución do peso, que foi imitado por outras cecas da rexión.[2]

Todos os estados dos Diádocos estados utilizaron o padrón ático, coa única excepción do Exipto tolemaico, que usou no seu lugar un padrón monetario propio de orixe fenicia.[2][4]

Notas editar

  1. 1,0 1,1 Plant, I. M. (2004). Páxina 141.
  2. 2,0 2,1 2,2 2,3 Mørkholm, O. (1991). Páxina 8.
  3. "Attic Weight Standard". Forum Ancient Coins.
  4. 4,0 4,1 Bagnall, R. (1976).
  5. Berthold, R. M. (2009). Páxinas 48-49.

Véxase tamén editar

Outros artigos editar

Bibliografía editar