No Man's Sky
No Man's Sky é un videoxogo de acción e supervivencia desenvolvido e publicado polo estudio independente Hello Games para PlayStation 4 e Microsoft Windows. O xogo foi lanzado internacinalmente en agosto de 2016. O modo de xogo de No Man's Sky baséase en catro alicerces —exploración, supervivencia, loita e comercio. Os xogadores son libres para actuar nun universo aberto que inclúe 18 quintillóns (1,8×1019) de planetas, moitos dos cales teñen a súa propia flora e fauna.[1]
| No Man's Sky | |
|---|---|
 | |
| Desenvolvedor(es) | Hello Games |
| Distribuidora(s) | Sony Interactive Entertainment (PS4) |
| Director(es) | Sean Murray David Ream |
| Produtor(es) | Suzy Wallace |
| Deseñador(es) | Sean Murray |
| Artista(s) | Grant Duncan Jacob Golding |
| Compositor(es) | 65daysofstatic Paul Weir |
| Lanzamento | PlayStation 4: Norte América o 9 de agosto de 2016, Europa: 10 de agosto de 2016 Microsoft Windows: 12 de agosto de 2016 |
| Xénero | Acción, supervivencia |
| Modos de xogo | Un xogador e multixogador |
| Clasificación | PEGI .svg){kind=small} CERO  USK  |
| Plataforma(s) | PlayStation 4 Microsoft Windows |
| Na rede | |
| Páxina oficial | |
    | |
| [ editar datos en Wikidata ] | |
Os xogadores participan nun universo compartido, coa posibilidade de intercambiar información dos planetas con amigos, aínda que o xogo tamén se pode desfrutar completamente sen conexión a Internet. Iso é posible polo sistema de xeración procesual que garante os xogadores a atopar o mesmo planeta coas mesmas características , formas de vida e outros aspectos unha vez dadas as coordenadas do planeta, sen necesidade de máis datos gardados ou recuperados de servidores de xogos. Case tódolos elementos do xogo son xerados procesualmente, incluíndo os sistemas de estrelas, os planetas e os seus ecosistemas, a flora, a fauna e os patróns de comportamento, as estruturas artificiais, as faccións alieníxenas e as súas naves espaciais. O motor do xogo emprega diversos algoritmos deterministas como ecuacións matemáticas parametrizadas que poden imitar unha ampla gama de xeometría e estrutura atopada na natureza. Os elementos de arte creados por artistas humanos son usados e alterados tamén. O son do xogo, incluíndo o ambiente e a súa banda sonora subxacente, tamén emprega métodos de xeración procesual a partir de mostras de base creadas por Paul Weir e o seu grupo de música 65daysofstatic.
Notas editar
- ↑ Hiranand, Ravi (18 de xuño de 2015). CNN, ed. "18 quintillion planets: The video game that imagines an entire universe". Consultado o 21 de agosto de 2015.
Véxase tamén editar
Ligazóns externas editar
- Páxina oficial (en inglés)