Saitama Seibu Lions
Os Saitama Seibu Lions (埼玉西武ライオンズ Saitama Seibu Raionzu?) son un equipo profesional xaponés de béisbol con sede en Tokorozawa, Saitama, ao norte de Tokio. O club compite na Nippon Professional Baseball (NPB) como membro da Pacific League. Antes de 1979, o equipo tiña a súa sede en Fukuoka, na illa de Kyūshū. Entre 1978 e 2008 o logo e a mascota do equipo estaban baseados nunha vesión adulta de Leo (tamén coñecido como Kimba), o protagonista do anime de Osamu Tezuka Jungle Taitei. Con todo, ao contrario que fans, membros do equipo e a prensa, o propio Tezuka afirma que realmente estaba baseado en Panja (tamén coñecido como Caesar), o pai de Kimba. Os Lions xogan os seus partidos como local no MetLife Dome, estadio con capacidade para 33.556 espectadores.
| Saitama Seibu Lions | |||
|---|---|---|---|
| Fundado en 1950 En Tokorozawa desde 1979 | |||
| |||
| Liga | |||
| Liga |  Nippon Professional Baseball | ||
| División | Pacific League (1950–presente) | ||
| Imaxe do equipo | |||
 | |||
| Retirados | 24 (Kazuhisa Inao) | ||
| Cores | Azul, branco, vermello | ||
| Datos do equipo | |||
| Anterior | Nishitetsu Clippers (1950) Nishitetsu Lions (1951–1972) Taiheiyo Club Lions (1973–1976) Crown Lighter Lions (1977–1978) Seibu Lions (1979–2007) | ||
| Estadio | MetLife Dome | ||
| Estadios antigos | Kasugabaru Kyūjō (1950) Heiwadai Yakyūjō (1951–1978) | ||
| Mascota | Leo e Lina | ||
| Dono | Ferrocarrís Seibu | ||
| Adestrador | Hatsuhiko Tsuji | ||
| Títulos | |||
| Nippon S. (13) | 1956, 1957, 1958, 1982, 1983, 1986, 1987, 1988, 1990, 1991, 1992, 2004, 2008 | ||
| Pacific L. (23) | 1954, 1956, 1957, 1958, 1963, 1982, 1983, 1985, 1986, 1987, 1988, 1990, 1991, 1992, 1993, 1994, 1997, 1998, 2002, 2004, 2008, 2018, 2019 | ||
O equipo é propopiedade dunha filial de Prince Hotels, a cal á súa vez é propiedade do Grupo Seibu. O equipo experimentou nos últimos tempos un período de dificultades financeiras, máis a situación foi solucionado cando en 2006 o equipo recibiu 6.000 millóns de iens (uns 51,11 millóns de dólares) polo traspaso de Daisuke Matsuzaka aos Boston Red Sox da Major League Baseball (MLB). Antes, en 2004, o ex xogador dos Seibu Lions Kazuo Matsui foi o primeiro xogador xaponés en xogar nas Ligas Maiores desde a posición de infielder.[1]
Historia editar
A franquía foi fundada en 1950 co nome de Nishitetsu Clippers, sendo un dos equipos fundadores da Liga do Pacífico. O equipo era propiedade da compañía de ferrocarrís Nishinippon con sede en Fukuoka. No seu primeiro ano o equipo acaba no sexto e último posto da liga. Ao finalizar a temporada fusionaronse cos Nishinippon Pirates para formar os Nishitetsu Lions. Durante toda a súa existencia co nome de Nishitetsu Lions, a franquía xogou sempre no Estadio Heiwadai. Foron un dos primeiros equipos dominadores da liga, gañando baixo as ordes do adestrador Osamu Mihara catro títulos do Pacífico e tres Series do Xapón consecutivas ante os Yomiuri Giants: 1956, 1957 e 1958.
Durante a seguinte década o equipo decaeu e non conseguiu repitir éxitos. Entre as temporadas 1969 e 1970 o equipo viuse envolto no escándalo da "néboa negra" (黒い霧事件 kuroi kiri jiken?), polo que catro pitchers dos Lions (Masaaki Ikenaga, Akio Masuda, Masayuki Nagayasu e Yoshinobu Yoda) foron expulsados de por vida da NPB por acusacións de arranxo de xogos. Outros xogadores do equipo foron tamén condenados, máis con castigos menos severos. A perda dos xogadors decimou ao equipo que acabou a temporada de 1970 en último lugar. As dúas seguintes temporadas finalizaron co mesmo resultado. En 1972 a franquía foi vendida á Corporación de Béisbol de Fukuoka, porén, esta era parte da propia Nishinippon. Despois da venda, o equipo pasou a chamarse até 1976 Taiheiyō Club Lions, unha empresa de resorts e campos de golf. Ao ano seguinte o club volve cambiar de patrocinador, Crown Gas Lighter, e o equipo mude de novo de nome, esta vez a Crown Lighter Lions. Con todo, a nivel deportivo, as actuacións non melloraron.
Tras finalizar a temporada de 1978, o equipo foi vendido a Kokudo Keikaku, para despois fusionarse con Prince Hotels. Así, o equipo foi bautizado como Seibu Lions e viu a súa sede trasladada a un novo estadio, o Seibu Dome en Tokorozawa, Saitama. Os novos propietarios realizaron importantes investimentos e, a partir de 1982, co novo adestrador Tatsuro Hirooka e varios xogadores como Osamu Higashio ou Koichi Tabuchi, comezou a chamada "Época Dourada" do equipo. Os Lions foron durante os anos 1980 os dominadores da Liga do Pacífico, conseguindo gañar cinco Series do Xapón (1982 a 1983 e 1986 a 1988). A mediados da década, baixo as ordes de Masaaki Mori, os Lions mantiveron o bloque e continuaron coa senda de vitorias cun forte bloque de xogadores. Mori logrou oito títulos de Liga e seis Series do Xapón (1986 a 1988 e 1990 a 1992) no seus nove anos de carreira como adestrador. A franquía foi coñecida durante os anos 1980 e 1990 como o "invencible Seibu" debido aos seus éxitos.
Durante os anos 2000, e a pesar dos bos resultados da franquía, os Lions atravesaron problemas económicos que levaron a pensar nunha venda do equipo ou mesmo o seu posible traslado a Hokkaido. Mais a situación logrou solucionarse coa venda do pitcher Daisuke Matsuzaka aos Boston Red Sox por 6 millóns de dólares. A nivel derpotivo, o equipo consegue gañar no anos 2000 as Series do Xapón de 2004 ante Chunichi Dragons e as de 2008 ante os Yomiuri Giants. No 2009 o equipo muda por completo a súa imaxe corporativa, e o seu escudo pasa a ser unha pelota de béisbol agarrada pola garra dun león. Até ese ano, o escudo do club estaba baseado na versión adulta de Leo (tamén coñecido como Kimba), o protagonista do anime de Osamu Tezuka Jungle Taitei. Con todo, ao contrario que fans, membros do equipo e a prensa, o propio Tezuka afirma que realmente estaba baseado en Panja (tamén coñecido como Caesar), o pai de Kimba.
Nomes editar
Ao longo dos anos o equipo tivo diferentes nomes:[2]
- Nishitetsu Clippers (1950)
- Nishitetsu Lions (1951−1972)
- Taiheiyo Club Lions (1973−1976)
- Crown Lighter Lions (1977−1978)
- Seibu Lions (1979−2007)
- Saitama Seibu Lions (2008−presente)
Estadio editar
- Artigo principal: Seibu Dome.
Actualmente, os Orix Buffaloes xogan os seus encontros como local no Seibu Dome, coñecido por motivos de patrocinio como MetLife Dome. O estadio, inaugurado o 14 de abril de 1979, ten capacidade para 33.556 espectadores. O estadio está cuberto por unha cúpula ao igual que outros moitos estadios do Xapón, mais dispón dunha separación entre a mesma e as bancadas para que o aire circule polo recinto. Isto fai posíbel que os home runs poidan saír do estadio, algo que non se pode nos estadios totalmente cubertos. É, xunto o T-Mobile Park de Seattle, Washington (Estados Unidos), o único estadio de béisbol do mundo con esa característica.[3] Ao longo dos anos os Saitama Seibu Lions teñen utilizado os seguintes estadios:
| Estadio | Localización | Prefectura | Capacidade | Período | |
|---|---|---|---|---|---|
| Kasugabaru Kyūjō | Kasuga |  Fukuoka
|
– | 1950 | |
| Heiwadai Yakyūjō | Fukuoka | Fukuoka
|
34.000 | 1951 | 1978 |
| Seibu Dome | Tokorozawa |  Saitama
|
33.556 | 1979 | − |
Xogadores editar
Dorsais retirados editar
| Dorsais retirados polos Saitama Seibu Lions | ||||
| Nº | Xogador | Posición | Período | |
|---|---|---|---|---|
| 24 | Kazuhisa Inao | Pitcher | 1956–1969 | |
Dorsais honrados editar
| Nº | Xogador | Posición | Período |
|---|---|---|---|
| 3 | Hiroshi Ōshita | Outfielder | 1952–1959 |
| 6 | Futoshi Nakanishi | Infielder | 1952–1969 |
| 89 | Shinji Mori | Pitcher | 1997–2005 |
Xogadores MLB editar
| País | Xogador | Posición | Temporadas no equipo |
|---|---|---|---|
 |
Kazuhisa Ishii | Pitcher | 2008–2013 |
| |
Yusei Kikuchi | Pitcher | 2010–2018 |
| |
Kazuo Matsui | Segunda base | 1995–2003, 2018 |
| |
Daisuke Matsuzaka | Pitcher | 1999–2006 |
| |
Shinji Mori | Pitcher | 1997–2005 |
Notas editar
- ↑ "Rockies acquire infielder Kazuo Matsui and cash considerations from New York Mets in exchange for outfielder Eli Marrero | Colorado Rockies". Newyork.mets.mlb.com. Arquivado dende o orixinal o 08 de marzo de 2016. Consultado o 11 de abril de 2019.
- ↑ "Saitama Seibu Lions". NPB.jp.
- ↑ Morse, Burden e Morse. "Beer, Brats and Grasshoppers: The Sports Tourists Rank Baseball's Cathedrals".