Nicetas Coniates

historiador grego

Nicetas Coniates ou Choniates (Νικήτας Χωνιάτης Nikétas Khoniatés), nado c. 1155 e finado en 1215 ou 1216, chamado ás veces Nicetas Acominatus, foi un historiador bizantino nado na actual Honaz (Turquía).

Nicetas Coniates
Niketas Choniates.JPG
Nicetas Coniates nun manuscrito medieval.
Nacemento1155
 Chonae
Falecemento1217
 İznik
NacionalidadeImperio Bizantino
RelixiónCristianismo ortodoxo
Ocupaciónpolítico, escritor e historiador
editar datos en Wikidata ]

TraxectoriaEditar

Era irmán do tamén historiador Miguel Acominatus, que chegou a ser arcebispo de Atenas. Baixo a protección do seu irmán, dedicouse inicialmente á política, e conseguiu varios cargos durante o reinado dos emperadores Anxos (entre eles, o de gran logoteta, megas logotetes, ou chanceler) e foi gobernador do thema de Filipópole nun período crítico.

Tras a caída de Constantinopla durante a Cuarta Cruzada, en 1204, fuxiu a Nicea, onde se instalou na corte do emperador de Nicea Teodoro I Láscaris, dedicándose á literatura. Morreu en 1215 ou 1216. A súa obra principal é a Historia, en 21 libros, que abarca o período de 1118 a 1207, continuando exactamente no punto en que termina A Alexiada de Ana Comnena.

A pesar do seu estilo retórico e florido, a obra ten un gran valor documental, xa que refire acontecementos dos que foi testemuña ou que escoitou de boca de testemuñas presenciais. A parte máis interesante da obra é aquela en que se describe a conquista de Constantinopla. O seu breve tratado Sobre as estatuas destruídas polos latinos (na súa forma actual quizais alterado por un autor posterior) é de especial interese para os arqueólogos. A súa obra teolóxica (Thesaurus Orthodoxae Fidei), aínda que se conserva íntegra manuscrita, só foi publicada en parte. É unha das principais autoridades para coñecer as herexías e escritores heréticos do século XII.

Na ficciónEditar

Nicetas é tomado por Umberto Eco como un dos principais personaxes da súa novela histórico-fantástica Baudolino que ten como marco histórico a conquista de Constantinopla durante a Cuarta Cruzada.

Véxase taménEditar

BibliografíaEditar

  • Brand, Charles M. Byzantium Confronts the West, 1968, ISBN 0-7512-0053-0.
  • Harris, Jonathan. 'Distortion, divine providence and genre in Nicetas Choniates' account of the collapse of Byzantium 1180-1204', Journal of Medieval History, vol. 16 (2000) 19-31.
  • Magoulias, Harry J. (traduc.). O City of Byzantium, Annals of Niketas Choniates, 1984, ISBN 0-8143-1764-2.
  • Nicetae Choniatae Historia, ed. Jan Louis van Dieten, Berlín, 1975.

Ligazóns externasEditar