Nemesio Montiel
Nemesio Montiel Fernández, nado en Laguna del Pájaro, Zulia, Venezuela o 25 de novembro de 1943 e finado en Maracaibo o 26 de abril de 2021, tamén coñecido polo seu nome en lingua wayuu Nemesio Montiel Ja'yaliyuu, foi un docente, sociólogo, escritor, activista polos dereitos indíxenas, político e antropólogo venezolano de orixe wayuu.
Biografía | |
---|---|
Nacemento | 25 de novembro de 1943 Municipio La Guajira, Venezuela (pt) |
Morte | 26 de abril de 2021 (77 anos) Maracaibo, Venezuela |
Datos persoais | |
País de nacionalidade | Venezuela |
Educación | Universidade Central de Venezuela |
Actividade | |
Ocupación | antropólogo , político , profesor universitario , sociólogo , activista |
Período de actividade | 1970 - 2021 |
Lingua | Lingua wayuu e lingua castelá |
Traxectoria editar
Montiel naceu en Laguna del Pájaro (Alitasía), estado Zulia, dentro do clan Ja'yaliyuu[1] e descendente do líder indíxena Torito Fernández.[2] Obtivo o grao de Antropoloxía Social e Aplicada e Indixenismo na Universidade Central de Venezuela en 1972, presentando como traballo de grao "La Guajira: Perspectivas Antropológicas, según un Guajiro", coa que obtivo a cualificación summa cum laude,[3] converténdose así no primeiro antropólogo venezolano de orixe indíxena.[4]
Activismo editar
Montiel chegou a ser coñecido polas súas achegas e loita polos dereitos dos pobos indíxenas, exercendo como Secretario Xeral do Consello Nacional de Comunidades Indíxenas e representante do Comité de Defensa do Guajiro en 1969, Coordinador Xeral da Confederación de Indíxenas de Venezuela, Caracas entre 1973 e 1975, así como guionista de varios espazos radiais e de televisión nos que se abordaba a situación do indíxena en Venezuela[3] e presidente do Observatorio Wayuu Colombo Venezolano.
Docencia e cultura editar
Nemesio Montiel dedicou grande parte da súa carreira profesional ao eido académico, ditando clases de pregrao e posgrao na Universidade do Zulia e na Universidade de Oriente, así como a coordinar as actividades culturais da Universidade do Zulia, da cal foi o seu Director de Cultura entre 2001 e 2008 e asesor indíxena do Vicerreitorado Académico da mesma entre 2008 e 2011.[3]
Carreira política editar
Montiel foi elixido deputado ao Congreso da República de Venezuela polo estado Zulia entre os anos 1989 e 1993, así como Secretario de Cultura do Estado Zulia entre os anos 1990 e 1994,[3] salientando a súa xestión pola creación da Escola de Música Wayuu e que se decretase o wayuu como segundo idioma oficial do estado.
Montiel faleceu o 26 de abril de 2021 por mor de complicacións relacionadas coa COVID-19, na cidade de Maracaibo, Venezuela.[2]
Publicacións editar
Ensaios e traballos académicos editar
- Nociones históricas de los guajiros. Escola de Traballo Social de Universidade do Zulia, 1976.
- Recopilación de Documentos sobre Indigenismo en América. Facultade de Dereito da Universidade do Zulia, 1976.
- La Guajira: historia, costumbres, tradiciones, ciencias y situación actual. Escola de Traballo Social de Universidade do Zulia, 1976.
- Apuntes Históricos sobre Sinamaica [Suchukua Karrouya]. INCE, 1978.
- Los Guajiros: Rasgos Históricos y Resistencia Etnica. Ministerio de Información e Turismo de Venezuela, 1980.
- Testimonios sobre la Lucha y la Reafirmación Etnica. Vicerreitorado Administrativo da Universidade do Zulia, 1988. ISBN 978-9802321308
- Movimiento Indígena en Venezuela. Secretaría de Cultura da Gobernación do Estado Zulia, 1993. ISBN 980-295-063-7
- Los wayuu, resistencia étnica, derechos específicos e interculturalidad. Editorial Ediluz, 2005.
- Los A'laülaa y compadres wayúu. Editorial de Universidade do Zulia, 2006.
- La nueva relación de los pueblos indígenas con el Estado venezolano. Universidade do Rosario, 2010.
Novelas editar
- E'irrukuirra (Linajes). Editorial Ediluz, 2001.
Notas editar
- ↑ Falleció el antropólogo wayuú Nemesio Montiel Fernández Arquivado 27 de abril de 2021 en Wayback Machine.. Diario del Norte
- ↑ 2,0 2,1 El profesor Nemesio Montiel falleció por complicaciones del Covid-19. El Universal
- ↑ 3,0 3,1 3,2 3,3 El Zulia pierde a su palabrero mayor: fallece Nemesio Montiel Fernández. Sultana del Lago Editores.
- ↑ Falleció el antropólogo zuliano Nemesio Montiel Fernández por covid-19. Tal Cual