Wikipedia

Mixófagos

(Redirección desde «Myxophaga»)

A dos mixófagos (Myxophaga) é a segunda suborde máis pequena dos insectos coleópteros (escaravellos) despois de Archostemata, e consta dunha 65 especies de pequenos ou diminutos escaravellos, clasificados en catro familias. Os membros desta suborde son acuáticos ou semiacuáticos e aliméntanse de algas.

Descrición editar

As características diagnósticas de Myxophaga son: as antenas son máis ou menos claramente de tipo maza e normalmente con menos de nove segmentos, as cavidades mesocoxais están abertas lateralmente e beireadas por un mesepímero e metanepisterno, as ás traseiras están enroladas apicalmente na posición de repouso. Internamente caracterízanse pola presenza de seis túbulos de Malpighio e os testículos son tubulares e enrolados.[1]

Os escaravellos desta suborde están adaptados a alimentarse de algas. As súas pezas bucais carecen de galeas e teñen un dente móbil na súa mandíbula esquerda.[2]

Taxonomía editar

Na suborde Myxophaga hai catro familias con representantes vivos divididas en dúas superfamilias,[3] que conteñen unhas 65 especies descritas,[4] e polo menos unha familia extinguida (simbolizado por †).

Superfamilia Lepiceroidea Hinton, 1936

Superfamilia Sphaeriusoidea Erichson, 1845

Familia †Triamyxidae Qvarnström et al. 2021

Non situadas en familias

Distribución editar

Os membros vivos de Lepiceridae están confinados no norte de Suramérica e América Central. Os Sphaeriusidae viven en todos os continentes excepto a Antártida, mentres que os Hydroscaphidae viven en todos os continentes menos Australia e Antártida. Os Torridincolidae poden atoparse en África, Asia e Suramérica.[5]

Rexistro fósil editar

Sábese pouco do rexistro fósil dos Myxophaga. Os fósiles do inicio do Cretáceo tardío (Cenomaniano) atopados en ámbar birmano de Myanmar, foron asignados ao xénero hoxe existente Lepicerus e ao xénero extinguido Lepiceratus dentro de Lepiceridae,[6][7][8] así como Burmasporum, que pertencen a Sphaerusidae.[9] Non se describiron fósiles de impresión de escaravellos mixófagos ata 2012, probablemente debido ao seu pequeno tamaño corporal e hábitat especializado.[10] Un espécime fósil asignado ao xénero vivo Hydroscapha de Hydroscaphidae, foi descrito en 2012 procedente da formación Yixian na biota Jehol, e data do Cretáceo temperá (Aptiano).[10] En 2019, Leehermania do Triásico tardío (Noriano) da formación Cow Branch de Carolina do Norte, que fora interpretada previamente como o estafilínido máis antigo coñecido, foi reinterpretada como un parente que diverxiu temperanmente da familia Hydroscaphidae, o que a converte no mixófago máis antigo coñecido.[11] En 2021, describíronse numerosos espécimes dun novo mixófago procedentes dun coprólito atopado en sedimentos polacos do Triásico tardío (Carniano). O novo taxón Triamyxa, foi situado na súa propia familia monotípica, Triamyxidae, e resolveuse como o mixófago máis basal ou un taxon irmán de Hydroscaphidae.[12]

Galería editar

Notas editar

  1. ↑ Beutel, R.; Leschen, R. (2005). "Morphology and Systematics (Archostemata, Adephaga, Myxophaga, Polyphaga partim)". Band 4 Part 38: Arthropoda, Hälfte: Insecta, Coleoptera, Beetles. Handbuch der Zoologie/Handbook of Zoology 1. Walter de Gruyter. ISBN 3-11-017130-9. 
  2. ↑ Beutel & Leschen 2005, p. 43
  3. ↑ "Myxophaga". Tree of Life Web Project. 2007. Arquivado dende o orixinal o 09 de maio de 2019. Consultado o 2017-05-26. 
  4. ↑ Mesaros, Gabor (2013). "Sphaeriusidae (Coleoptera, Myxophaga): A new beetle family to the fauna of Serbia". Bulletin of the Natural History Museum (6): 71–74. doi:10.5937/bnhmb1306071m. 
  5. ↑ Sampaio, Brunno H.L.; Short, Andrew E.Z. (2018). Families Hydroscaphidae and Torridincolidae. Thorp and Covich's Freshwater Invertebrates (en inglés) (Elsevier). pp. 519–525. ISBN 978-0-12-804223-6. doi:10.1016/b978-0-12-804223-6.00022-6. Consultado o 2021-07-26. 
  6. ↑ Kirejtshuk, A. G.; Poinar, G. (2006). "Haplochelidae, a new family of cretaceous beetles (Coleoptera: Myxophaga) from Burmese amber". Proceedings of the Entomological Society of Washington 108: 155–164. 
  7. ↑ Ge, S. Q.; Friedrich, F.; Beutel, R. G. (2010). "On the systematic position and taxonomic rank of the extinct myxophagan dagger Haplochelus (Coleoptera)". Insect Systematics and Evolution 41 (4): 329–338. doi:10.1163/187631210X537385. 
  8. ↑ Jałoszyński, Paweł; Luo, Xiao-Zhu; Hammel, Jörg U.; Yamamoto, Shûhei & Beutel, Rolf G. (2020). "The mid-Cretaceous †Lepiceratus gen. nov. and the evolution of the relict beetle family Lepiceridae (Insecta: Coleoptera: Myxophaga)". Journal of Systematic Palaeontology. 18 (13). doi 10.1080/14772019.2020.1747561
  9. ↑ Kirejtshuk, A. G. (2009). "A new genus and species of Sphaeriusidae (Coleoptera, Myxophaga) from Lower Cretaceous Burmese amber" (PDF). Denisia 26: 99–102. 
  10. ↑ 10,0 10,1 Cai, C.; Short, A. E. Z.; Huang, D. (2012). "The First Skiff Beetle (Coleoptera: Myxophaga: Hydroscaphidae) from Early Cretaceous Jehol Biota". Journal of Paleontology 86 (1): 116–9. doi:10.1666/11-050.1. 
  11. ↑ Fikáček, Martin; Beutel, Rolf G.; Cai, Chenyang; Lawrence, John F.; Newton, Alfred F.; Solodovnikov, Alexey; Ślipiński, Adam; Thayer, Margaret K.; Yamamoto, Shûhei (xaneiro de 2020). "Reliable placement of beetle fossils via phylogenetic analyses – Triassic Leehermania as a case study (Staphylinidae or Myxophaga?)". Systematic Entomology (en inglés) 45 (1): 175–187. ISSN 0307-6970. doi:10.1111/syen.12386. 
  12. ↑ Qvarnström, Martin; Fikáček, Martin; Vikberg Wernström, Joel; Huld, Sigrid; Beutel, Rolf G.; Arriaga-Varela, Emmanuel; Ahlberg, Per E.; Niedźwiedzki, Grzegorz (xuño de 2021). "Exceptionally preserved beetles in a Triassic coprolite of putative dinosauriform origin". Current Biology (en inglés): S0960982221006746. doi:10.1016/j.cub.2021.05.015. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Mixófagos&oldid=6304699»