Mordechai Gebirtig
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
Mordechai Gebirtig, nado co nome de Mordekhai Bertig en Cracovia o 4 de abril de 1877 e finado na mesma cidade o 4 de xuño de 1942, foi un poeta e compositor en lingua yiddish, coñecido sobre todo pola canción, "S'brent", escrita en 1938 en resposta ó pogrom contra os xudeus en 1936 na pequena vila de Przytyk. O tema cantouse nos guetos durante o nazismo. Desde aquela a canción, tanto en yiddish como na súa tradución en hebreo,"Ha-Ayyarah Bo'eret", continúa a se interpretar nas conmemoracións do Holocausto.
 Mordechai Gebirtig | |
| Nome orixinal | (yi) מרדכי געבירטיג  |
|---|---|
| Biografía | |
| Nacemento | 4 de maio de 1877 Cracovia, Polonia |
| Morte | 4 de xuño de 1942 (65 anos) Gueto de Cracóvia, Polonia (pt)  |
| Datos persoais | |
| País de nacionalidade | Polonia Segunda República Polaca |
| Actividade | |
| Ocupación | poeta , compositor , joiner (en) |
| Partido político | Bund (pt) |
| Xénero artístico | poesía |
| Lingua | Lingua yiddish |
| Carreira militar | |
| Conflito | Primeira guerra mundial |
| Obra | |
| Arquivos en |
|
| Cronoloxía | |
| 1941-1945 | Holocausto
|
Sinatura  | |
| Páxina web | mordechaj-gebirtig.pl |
     | |
Traxectoria editar
Mordecai Gebirtig viviu toda a súa vida en Kazimierz, o barrio da clase traballadora xudía, traballou como carpinteiro e como afección aprendeu música de xeito autodidacta, compuña as súas cancións cunha pequena frauta e os seus amigos Julius Hofman e Baruch Sperber transcribían as súas composicións. Desde 1906 foi membro do grupo de teatro afeccionado xudeu de Cracovia, escribiu cancións e críticas teatrais que apareceron en Der sotsial-demokrat o órgano do Partido Social Democrático Xudeu ó que pertencía. Gebirtig serviu durante cinco anos no exército austro-húngaro. En 1920 publicou a súa primeira colección de cancións, Folkstimlekh. As súas cancións adoptáronas cantantes populares como Molly Picon e incluíronse en obras teatrais en yiddish, contribuíndo ó seu espallamento. En 1936 publicou unha segunda escolma delas, Mayne Lyder. Morreu asasinado na rúa por un soldado alemán o 4 de xuño de 1942.