Cordal do Atlas

(Redirixido desde "Montes Atlas")
Situación do cordal do Atlas (en vermello).

O Cordal do Atlas é un sistema montañoso que percorre os estados norteafricanos de Tunisia, Alxeria e Marrocos, actuando de barreira entre o mar Mediterráneo e o deserto do Sáhara. O seu punto máis alto é o monte Toubkal, con 4.167 metros de altitude, situado ao suroeste de Marrocos.

A súa formación foi consecuencia da colisión entre as placas africana e euroasiática durante a oroxenia alpina, na era cenozoica.

Obras artísticas como o filme Mimosas (Óliver Laxe, 2019) ou o libro No colo do Atlas. Contos de Marrocos (Richard Hughes, traducido ó galego por Tato Plaza, 1989) teñen lugar nas súas paisaxes.