Abrir o menú principal

Montefurado, Quiroga

parroquia do concello de Quiroga

Coordenadas: 42°23′44.443″N 7°12′10.524″O / 42.39567861, -7.20292333

Montefurado
Río Sil, Montefurado, Quiroga 02.jpg
Túnel romano de Boca do Monte en Montefurado,
polo que atravesa o río Sil
ConcelloQuiroga
Área37 km²
Poboación162 hab. (2011)
Densidade4,38 hab./km²
Entidades de poboación9

San Miguel de Montefurado é unha parroquia do concello lucense de Quiroga. En 2011, segundo o IGE, tiña 162 habitantes (84 homes e 78 mulleres).

XeografíaEditar

Está situada á beira do río Sil, entre as dúas maiores serras de Galiza, o Macizo Central ourensán e a Serra do Courel. A influencia do río fai que esta zona goce dun clima continental mediterráneo, con temperaturas baixas en inverno e moi calorosas en verán.

HistoriaEditar

A parroquia toma o nome do Monte Montefurado, tamén coñecido como "Boca do Monte". Foi construído no século II, en tempos do Emperador Traxano, para desviar o leito do río e poder extraer o ouro que este arrastraba lavando o lodo da antiga conca. Ten uns 400 metros de longo por 19 de ancho, e unha altura media de 17 metros. Unha difícil obra de enxeñaría para a época. Dise que os romanos talaron unha fraga de aciñeiras que había preto do lugar que aínda conserva o topónimo de Enciñeira para romper a roca a fogo. Os romanos estaban acampados no lugar de Sesmil, que toma o seu nome da lexión romana dese nome.

Galería de imaxesEditar

Lugares e parroquiasEditar

Véxase taménEditar