Miliario de Santiaguiño de Antas
Coordenadas: 42°13′47″N 8°36′39″O / 42.2295955984, -8.61096248031
O miliario de Santiaguiño de Antas[1][2] é un indicador de distancias romano situado na antiga Vía XIX do Itinerario de Antonino, xunto ao lugar de Santiaguiño[3], do concello de Mos. O miliario é unha columna de granito cilíndrico localizado no lugar onde o Itinerario de Antonino sitúa a mansión "Búrbida". A inscrición en referencia ó emperador da época é ilexibles. En épocas posteriores á romanización, coa intención de cristianizalo por ser considerado un elemento pagá, foi “crucificado”, é dicir, cuberto de cruces ó longo do fuste [4].
Segundo fontes orais, este miliario foi obxecto de prácticas relacionadas co culto á fertilidade, mediante fregas do ventre contra este[4].
A cronoloxía que se lle atribúe a este miliario coincidiría coa época do emperador Traxano, no s. II d.C[4]. Tamén é coñecido cos nomes de O Marco ou Anta da Maniola por servir de deslinde entre as parroquias de Louredo e Guizán, do concello de Mos, e de Vilar de Infesta, do concello de Redondela[4].
Antes da sondaxe arqueolóxica dirixida por Rafael Rodríguez en 2007, sobresaían do chan 1,70 m de altura. Descubriuse que ten unha altura de 3 m. Os traballos de iluminación nocturna posibilitaron detectar varios elementos epigráficos orixinais: letras soltas “D”, “O”, “V”, “X” e “SS”, e unha palabra “FILI?”. Tamén aparecen mútiples cruciformes de épocas posteriores a romana.
Este miliario é un dos elementos arqueolóxicos do Camiño Portugués.
Notas editar
- ↑ Miliario de Santiaguiño de Antas na páxina web colaborativa Patrimonio Galego.
- ↑ Miliario de Santiaguiño de Antas na páxina web colaborativa Patrimonio Galego.
- ↑ VAN, p. 25
- ↑ 4,0 4,1 4,2 4,3 VAN, p. 26
Véxase tamén editar
Bibliografía editar
- Rodríguez Martínez, R. M. (2007). "O miliario de Santiaguiño de Antas, unha nova ollada a unha pedra antiga". Seminario de Estudos Redondeláns (SEREN) (4): 11–25.
- Orge Quinteiro, J. A. (2008). "Os miliarios romanos de Redondela. Apuntamentos para unha Historia de Redondela". Seminario de Estudos Redondeláns (SEREN) (5): 11–24.
- Arias Vilas, F. (1992). A romanización de Galicia. A Nosa Terra.
- VAN Divulgación Cultural S.L. CamiñaMos, Camiño de Santiago. [cando?]