Mexicana de Aviación
Compañía Mexicana de Aviación, S.A. de C.V. (comunmente coñecida como Mexicana) foi unha aeroliña de México. Fundada en 1921, era a aeroliña máis antiga do país e unha das aeroliña de marca única continua máis antigas do mundo (despois de KLM, Avianca e Qantas). Antes do cesamento das súas operacións en agosto de 2010 trátábase da aeroliña insignia e a máis grande de México. O peche do grupo foi anunciado polo novo equipo directivo da compañía pouco tempo despois de que se declarara en suspensión de pagos. O 4 de abril de 2014 un xuíz declarou a bancarrota de Mexicana e ordenou comezar a vender todos os activos da compañía para pagar as obrigas da aeroliña. A súa sede atopábase na Torre Mexicana de Aviación (hoxe Torre AXA) da Cidade de México.[1]
| Mexicana de Aviación | ||
|---|---|---|
 | ||
| IATA MX | OACI MXA | Indicativo MEXICANA |
| Fundación | 12 de xullo de 1921 | |
| Inicio das operacións | 30 de agosto de 1921 | |
| Fin das operacións | 28 de agosto de 2010 | |
| Aeroporto principal | aeroporto de Cancún aeroporto de Guadalaxara aeroporto da Cidade de México | |
| Plan de voo frecuente | Mexicana Go | |
| Frota | 130 (con filiais) | |
| Destinos | 80 | |
| Holding | Med Atlántica | |
| Eslogan da compañía | Vuela en lo más alto | |
| Sede | Cidade de México | |
Ademais de servizos domésticos, Mexicana operaba voos a varios destinos internacionais en América do Norte, Centroamérica, o Caribe, Suramérica e Europa. O seu principal centro de conexións era o aeroporto internacional da Cidade de México, con centros secundarios no aeroporto de Cancún e no aeroporto de Guadalaxara.[2]
Os principais competidores de Mexicana eran Aeroméxico (aínda que as dúas compañían tiñan código compartido nalgunhas rutas), e aeroliñas de baixo custo como Volaris e Interjet. Mexicana era a aeroliña máis antiga de Norteamérica e a curta máis antiga do mundo operando baixo o mesmo nome.
En 2009 o grupo de aeroliñas Mexicana (que incluía a Mexicana Click e a Mexicana Link) transportou máis de 11 millóns de pasaxeiros (6,6 millóns en rutas domésticas e 4,5 en rutas internacionais), usando unha frota duns 110 avións.[3]
Durante os tres anos anteriores ao seu peche, o grupo Mexicana incrementara a súa participación nun florecente mercado doméstico, pasando dun 22% a principios de 2007 a case un 30% no seu último ano de vida. Isto acadouse reducindo o tamaño das operacións principais de Mexicana mentres se intensificaban as actividades de Mexicana Click (orixinalmente planeada como unha aeroliña de baixo custo) e de Mexicana Link (a subsidiaria operadora de CRJ con base en Guadalaxara).[3]
Tras unirse primeiro a Star Alliance en 2000, Mexicana deixou a alianza en 2004 antes de unirse a Oneworld o 10 de novembro de 2009.[4] Mexicana solicitou un concurso mercantil en agosto de 2010 nun intento de reestruturar as súas operacións.[5] O 27 de agosto de 2010 Mexicana anunciou que suspendería as súas operacións indefinidamente na medianoite do día seguinte.[6] As súas filiais Click e Link tamén pararon as súas operacións.
Notas editar
- ↑ "Torre Mexicana de Aviación". web.archive.org. 2013-12-03. Archived from the original on 03 de decembro de 2013. Consultado o 2022-02-04.
- ↑ "Directory: World Airlines". Flight International. 10 de abril de 2007. p. 50
- ↑ 3,0 3,1 "Mexicana’s uncertain future: Big network shake-up posed by possible removal of biggest player; 30% of domestic market and 20% of US-Mexico market up for grabs". anna.aero (en inglés). 2010-08-11. Consultado o 2022-02-04.
- ↑ "Mexicana to become part of oneworld on 10 November". www.oneworld.com (en inglés). Consultado o 2022-02-04.
- ↑ Sobie, Brendan. "Mexicana sinks into restructuring". Flight Global (en inglés). Consultado o 2022-02-04.
- ↑ "Airline Mexicana to suspend operations on Saturday - MarketWatch". web.archive.org. 2010-08-29. Archived from the original on 29 de agosto de 2010. Consultado o 2022-02-04.