Metahemoglobina
A metahemoglobina é unha forma da metaloproteína transportadora de oxíxeno hemoglobina, na cal o ferro do grupo hemo está en estado férrico (Fe3+), e non no estado ferroso (Fe2+) da hemoglobina normal. A metahemoglobina non pode unirse ao oxíxeno, a diferenza da oxihemoglobina, que si pode.[1] Ten unha cor castaña chocolate azulada. No sangue humano é normal que exista unha cantidade traza de metahemoglobina que se produce espontaneamente. Pero cando está presente en exceso, o sangue toma unha cor anormal castaña azulada escura. O encima, dependente do NADH, metahemoglobina redutase (ou diaforase I) é responsable de volver converter a metahemoglobina en hemoglobina.
Normalmente do 1 ao 2 % da hemoglobina dunha persoa é metahemoglobina; se hai unha porcentaxe maior iso pode deberse á exposición a certos compostos químicos e dependendo do nivel ao que se chegue pode causar problemas de saúde denominados metahemoglobinemia. Un maior nivel de metahemoglobina tende a facer que a lectura dun oxímetro de pulso (aparello que mide a saturación de oxíxeno no sangue) sexa próxima ao 85% independentemente de cal sexa o verdadeiro nivel de saturación de oxíxeno.[3]
Causas comúns editar
Os niveis elevados de metahemoglobina poden darse nos seguintes casos:
- Mecanismos de defensa celular reducidos.
- Nenos menores de 4 meses expostos varios axentes ambientais.
- As mulleres embarazadas son consideradas vulnerables á exposición a altos niveis de nitratos na auga potable.[4]
- Deficiencia de citocromo b5 redutase.
- Deficiencia de glicosa-6-fosfato deshidroxenase.
- Enfermidade da hemoglobina M (Milwaukee),[5] de orixe xenética.
- Deficiencia en piruvato quinase
- Diversos fármacos
- Axentes anestésicos locais, especialmente a prilocaína.
- Xeles, líquidos e pastillas para o alivio da dor oral, que conteñan benzocaína.[6]
- Amil nitrito, cloroquina, dapsona, nitratos, nitritos, nitroglicerina, nitroprusiato, fenacetina, fenazopiridina, primaquina, quinonas e sulfonamidas.
- Axentes ambientais.
- Aminas aromáticas (por exemplo, p-nitroanilina,).[7]
- Arsina.
- Clorobenceno.
- Cromatos.
- Nitratos/nitritos.
- Trastornos herdados
- Hai casos de familias que, debido a un xene recesivo, teñen membros coa pel azulada debido a un exceso de metahemoglobina.[8]
- En gatos
- Consumo de paracetamol (por exemplo acetominophen).[9]
Usos terapéuticos editar
O amil nitrito adminístrase para tratar o envelenamento de cianuro. Funciona convertendo a hemoglobina en metahemoglobina, á que se pode unir o cianuro e a formación de cianometahemoglobina non tóxica.[10]
Saturación de metahemoglobina editar
A saturación de metahemoglobina exprésase como unha porcentaxe de hemoglobina en estado de metahemoglobina, é dicir, a metHb en proporción á Hb.
- 1-2% - Normal
- Menos do 10% metHb - Non hai síntomas
- 10-20% metHb - Decoloración da pel (máis notablemente en membranas mucosas)
- 20-30% metHb - Ansiedade, dor de cabeza, dispnea durante o esforzo físico
- 30-50% metHb - Fatiga, confusión, mareo, taquipnea, palpitacións
- 50-70% metHb - Coma, convulsións, arritmias, acidose
- Maior do 70% metHb - Morte
Manchas de sangue editar
Nas manchas de sangue pode observarse a presenza da metahemoglobina. Despois de saír do corpo, as manchas de sangue cambian do vermello brillante ao castaño escuro, o cal se atribúe á oxidación da oxihemoglobina (HbO2) a metahemoglobina (metHb) e hemicromo (HC).[11]
Notas editar
- ↑ "Copia arquivada". Arquivado dende o orixinal o 23 de maio de 2013. Consultado o 10 de agosto de 2013.
- ↑ Bando, S.; Takano, T.; Yubisui, T.; Shirabe, K.; Takeshita, M.; Nakagawa, A. (2004). "Structure of human erythrocyte NADH-cytochromeb5reductase". Acta Crystallographica Section D Biological Crystallography 60 (11): 1929–1934. doi:10.1107/S0907444904020645. PMID 15502298.
- ↑ Denshaw-Burke, Mary (2006-11-07). "Methemoglobinema". Consultado o 2008-03-31.
- ↑ Manassaram, D. M.; Backer, L. C.; Messing, R.; Fleming, L. E.; Luke, B.; Monteilh, C. P. (2010). "Nitrates in drinking water and methemoglobin levels in pregnancy: A longitudinal study". Environmental Health 9: 60. doi:10.1186/1476-069X-9-60. PMC 2967503. PMID 20946657.
- ↑ Stucke, Astrid G.; Riess, Matthias L.; Connolly, Lois A. (2006-04). "Hemoglobin M (Milwaukee) Affects Arterial Oxygen Saturation and Makes Pulse Oximetry Unreliable:". Anesthesiology (en inglés) 104 (4): 887–888. ISSN 0003-3022. doi:10.1097/00000542-200604000-00036.
- ↑ Research, Center for Drug Evaluation and (2019-06-18). "FDA Drug Safety Communication: Reports of a rare, but serious and potentially fatal adverse effect with the use of over-the-counter (OTC) benzocaine gels and liquids applied to the gums or mouth". FDA (en inglés).
- ↑ "Lethal Poisoning with p-Nitroaniline" (PDF). web.archive.org. 2012-02-20. Archived from the original on 20 de febreiro de 2012. Consultado o 2020-04-02.
- ↑ http://abcnews.go.com/Health/blue-skinned-people-kentucky-reveal-todays-genetic-lesson/story?id=15759819#.T2oS0HqV2So
- ↑ Allen, Andrew L. (2003-06). "The diagnosis of acetaminophen toxicosis in a cat". The Canadian Veterinary Journal = La Revue Veterinaire Canadienne 44 (6): 509–510. ISSN 0008-5286. PMC 340185. PMID 12839249.
- ↑ Vale, J. A. (2001). "Cyanide Antidotes: from Amyl Nitrite to Hydroxocobalamin - Which Antidote is Best?". Toxicology 168 (1): 37–38.
- ↑ Bremmer, Rolf H.; de Bruin, Daniel M.; de Joode, Maarten; Buma, Wybren Jan; van Leeuwen, Ton G.; Aalders, Maurice C. G. (2011-07-15). Chirico, Giuseppe, ed. "Biphasic Oxidation of Oxy-Hemoglobin in Bloodstains". PLoS ONE (en inglés) 6 (7): e21845. ISSN 1932-6203. PMC 3137592. PMID 21789186. doi:10.1371/journal.pone.0021845.
Véxase tamén editar
Outros artigos editar
Ligazóns externas editar
- MeshName - Methemoglobin [1]
- Formación de metHb
- As persoas azuis de Troublesome Creek Arquivado 25 de setembro de 2011 en Wayback Machine.