Menecmo

Menecmo (Μέναιχμος), nado c. -380 e finado c. -320, foi un filósofo e matemático grego. Nado en Alopeconeso (actual península de Gallipoli, Turquía) e coñecido pola súa amizade co gran filósofo Platón.

Menecmo

Biografía
Nacemento	(grc) Μέναιχμος c. 380 a. C. Alokopennesos, Grecia Antiga (en)
Morte	c. 320 a. C. (59/60 anos) Cízico, Turquía (pt)
Actividade
Campo de traballo	Xeometría
Ocupación	matemático, astrónomo
Período de tempo	Antigüidade clásica
Profesores	Eudoxo de Cnido
Familia
Irmáns	Deinostratos
Descrito pola fonte	Nordisk familjebok Dicionario Enciclopédico Brockhaus e Efron Real'nyj slovar' klassicheskih drevnostej po Ljubkeru

Traxectoria

Aínda que se sabe que foi o descubridor das seccións cónicas na procura dunha solución para a duplicación do cubo, o certo é que non se dispón del máis que referencias doutros autores moi posteriores.

Cítao Proclo (século V) quen nos di que foi discípulo de Eudoxo de Cnido. Tamén se menciona en Suídas (século X) que lle atribúen obras de filosofía e tres libros sobre a República de Platón. Por unha anécdota narrada por Estobeo (século V) suxírese que puido ser titor de Alexandre Magno. Segundo Estobeo, cando Alexandre lle preguntou unha forma rápida de aprender xeometría, Menecmo respondeu:

Oh Rei! Hai estradas reais e camiños populares para percorrer o país, pero só hai unha vía de aprender xeometría.

Parece que foi o primeiro en demostrar que a elipse, a parábola e a Hipérbole se obteñen cortando un cono cun plano non paralelo á base. Eutocio, no seu libro Sobre a esfera e o cilindro describe o método empregado por Menecmo que se basea no cálculo de dúas medias proporcionais entre dúas rectas ($a$ e $2a$ ) de tal xeito que $a:x=x:y=y:2a$. En termos modernos, é o mesmo que resolver simultaneamente calquera par das seguintes tres ecuacións:

$x^{2}=ay,\ y^{2}=2ax,\ xy=2a^{2}$