Melissa Stockwell
Melissa Stockwell, nada en Gran Haven o 31 de xaneiro de 1980, é unha atleta dúas veces paralímpica estadounidense e ex oficial do Exército dos Estados Unidos. Competiu representando ao seu país nos Xogos Paralímpicos de Verán 2008 en Pequín en tres eventos de natación paralímpica, volveu competir nos Xogos Paralímpicos de 2016 celebrados en Río de Xaneiro, onde gañou unha medalla de bronce no evento inaugural de Paratríatlon o 11 de setembro de 2016.
  | |
| Biografía | |
|---|---|
| Nacemento | 23 de abril de 1980 (44 anos) Grand Haven, Estados Unidos de América (pt)  |
| Datos persoais | |
| País de nacionalidade | Estados Unidos de América |
| Actividade | |
| Ocupación | triatleta |
| Nacionalidade deportiva | Estados Unidos de América |
| Deporte | natación tríatlon |
| Participou en | |
| setembro de 2008 | Jogos Paralímpicos de Verão de 2008 (pt) |
Premios | |
 | |
Traxectoria editar
Uniuse ao Corpo de Capacitación de Oficiais da Reserva (ROTC, polo seu nome en inglés Reserve Officers' Training Corps) na Universidade de Colorado no seu segundo ano e estaba no último ano da universidade cando ocorreu o ataque do 11 de setembro de 2001 ás Torres Xemelgas de Nova York. Recibiu o curso básico de oficial de transporte en Virxinia antes de ser asignada á 1ra División de Cabalaría en Fort Hood, Texas. Foi despregada en marzo de 2004 en Iraq.[1]
Como primeira tenente, foi a primeira muller soldado en perder unha extremidade na guerra de Iraq. Perdeu a perna esquerda cando explotou unha bomba no camiño cando conducía un convoi en Bagdad.[2] Polo seu servizo en Iraq foi galardoada coa Estrela de Bronce e o Corazón Púrpura.[3] Despois do seu retiro do exército, traballou como protesista[4] e serviu na xunta directiva do Proxecto de Guerreiro Ferido de 2005 a 2014.
Carreira deportiva editar
Posteriormente converteuse na primeira veterana da Guerra de Iraq elixida para os Xogos Paralímpicos. Competiu en tres eventos de natación, os 100 m bolboreta, 100 m estilo libre e 400 m estilo libre, nos Xogos Paralímpicos de Verán 2008, e terminou sexta, quinta e cuarta nas súas series, respectivamente. Foi a portadora da bandeira do equipo estadounidense nas cerimonias de clausura.
En canto ao tríatlon despois dos Xogos Paralímpicos de Pequín, Stockwell foi seleccionada para representar aos Estados Unidos no Campionato Mundial de Paratriatlón ITU 2010 en Budapest. Gañou a proba feminina da clase TRI-2 (amputadas por encima do xeonllo), logo defendeu con éxito o seu título de Campioa do Mundo TRI-2 en 2011 e 2012. É unha Campioa Nacional de Paratriatlón dos Estados Unidos na súa clasificación, e foi nomeada Paratriatlista do Ano de USAT en 2010 e 2011. En xaneiro de 2013 Stockwell estivo a encabezar as clasificacións da UIT na clase feminina TRI-2. Gañou unha medalla de bronce na categoría PT2 nos Xogos Paralímpicos de 2016.
Stockwell é adestradora de tríatlon USAT de nivel 1 e cofundadora de Dare2Tri, un club de tríatlon con sede en Chicago especificamente para atletas con discapacidade.
Filmografía editar
- Warrior Champions: From Baghdad to Beijing, un filme documental dos directores Brent Renaud e Craig Renaud.
Notas editar
- ↑ "Wounded warrior shares inspirational message". blueridgenow.com (en inglés). 19 de xaneiro de 2012. Consultado o 9 de xuño de 2016.
- ↑ Stein, Ann. "Stories of Inspiration: Melissa – Amputee, First female soldier to lose limb in Iraq discovers new life after injury" (en inglés). CMS.carepages.com. Arquivado dende o orixinal o 14 de xuño de 2008. Consultado o 3 de xullo de 2008.
- ↑ Dugan Kusumoto, Tara (16 de setembro de 2008). "Melissa Stockwell, Iraq War Veteran, Elected as Flag Bearer for Closing Ceremonies" (en inglés). United States Olympic Committee. Arquivado dende o orixinal o 19 de novembro de 2008. Consultado o 25 de outubro de 2008.
- ↑ "Board of Directors – Melissa Stockwell" (en inglés). Wounded Warrior Project. Arquivado dende o orixinal o 16 de abril de 2013. Consultado o 18 de xaneiro de 2013.