Melissa Joan Hart

Melissa Joan Hart, nada en Smithtown, Nova York o 18 de abril de 1976, é unha actriz, directora, produtora, cantante, deseñadora de moda e empresaria estadounidense. É coñecida polos seus papeis principais nas series Clarissa Explains It All (1991–94), Sabrina the Teenage Witch (1996–03), e Melissa & Joey (2010–15).

Melissa Joan Hart
Nome completo	Melissa Joan Hart
Nacemento	18 de abril de 1976
Lugar	Smithtown
Nacionalidade	Estados Unidos de América
Relixión	catolicismo e presbiterianismo
Educada en	Universidade de Nova York e Professional Children's School
Cónxuxe(s)	Mark Wilkerson
Fillos	Mason Wilkerson, Tucker Wilkerson e Braydon Wilkerson
Profesión	actriz de televisión, actriz de dobraxe, produtora, cantante, emprendedora, realizadora, actriz de teatro, modelo, actriz de cinema, produtora de televisión, actriz, director de televisión, directora de cine e creadora de podcast
Na rede
[ editar datos en Wikidata ]

Carreira

Inicios na actuación

Comezou a súa carreira a unha idade temperá. O seu primeiro comercial de televisión foi para un xoguete chamado Splashy. Dende entón, realizou máis de 25 comerciais antes de cumprir os cinco anos. A súa carreira televisiva comezou en 1985 cun papel menor na miniserie Kane & Abel. O ano seguinte tivo un papel estelar nun episodio de The Equalizer e un papel principal coa actriz Katherine Helmond no filme de televisión Christmas Snow, o cal gañou un Premio Emmy.

Clarissa Explains It All

En 1989 presentouse á audición para unha produción de Broadway, The Crucible, que protagonizaba o actor Martin Sheen, pero só quedou como suplente dos tres novos protagonistas. Logo protagonizou a serie de televisión Clarissa Explains It All. Esta serie de Nickelodeon era unha comedia sobre situacións diarias polas que atravesaba unha moza. Chegou a ser un grande éxito e estivo no aire por catro tempadas. O programa permitiulle obter catro nomeamentos consecutivos dos Premios de Artistas Novos, dos cales gañou tres, converténdose en famosa entre as adolescentes estadounidenses.

Sabrina, the Teenage Witch

Despois da cancelación da serie, empezou a súa educación na Universidade de Nova York, aínda que non completou os seus estudos, porque retomou a súa carreira como actriz en 1996 cando obtivo o papel principal para a serie de televisión Sabrina, the Teenage Witch, onde actuou xunto cos actores Caroline Rhea, Beth Broderick, Nate Richert e Nick Bakay. Esta serie durou sete tempadas na cadea estadounidense ABC. Mentres tanto, traballou tamén na serie Touched by an Angel.

Véxase tamén

Ligazóns externas

• Melissa Joan Hart na IMDb (en inglés).