Mary Wells
Mary Esther Wells, nada en Detroit o 13 de maio de 1943 e finada nos Ánxeles o 26 de xullo de 1992, foi unha cantante estadounidense de soul, rhythm and blues e pop, que axudou a definir o emerxente son Motown a principios da década de 1960.[1]
 (1964)  | |
| Biografía | |
|---|---|
| Nacemento | (en) Mary Esther Wells 13 de maio de 1943 Detroit, Estados Unidos de América |
| Morte | 26 de xullo de 1992 (49 anos) Os Ánxeles, Estados Unidos de América |
| Causa da morte | Morte natural (Cancro de larinxe ) |
| Lugar de sepultura | Forest Lawn Memorial Park |
| Datos persoais | |
| Outros nomes | Mary Wells Womack |
| País de nacionalidade | Estados Unidos de América |
| Educación | Northwestern High School (Michigan) (pt)  |
| Actividade | |
| Ocupación | cantante , música , compositora de cancións |
| Período de actividade | 1960 - |
| Xénero artístico | Soul, Rhythm and blues, música pop e Música disco |
| Lingua | Lingua inglesa |
| Tesitura | Contralto |
| Instrumento | Voz |
| Selo discográfico | Motown Atco Records Jubilee Records Reprise Records 20th Century Fox Records (pt) Atlantic Records Epic Records Motorcity Records (en) |
| Familia | |
| Cónxuxe | Cecil Womack (pt) (1966–1977), divorcio |
              | |
Traxectoria editar
De orixe humilde, Wells naceu e pasou a infancia nun barrio pobre e Detroit, Míchigan.[1] A súa nai traballaba como empregada de fogar e o seu pai estaba austente. Aos dous anos contraeu meninxite espinal e enfrontouse cunha cegueira e xordeira parcial nun oído e unha parálise temporal.[2] Aos dez anos contraeu tuberculose.[2]
En 1960, con dezasete anos, achegouse a Berry Gordy, fundador de Tamla Records, no club Twenty Grand de Detroit.[3] Foi a primeira cantante que asinou un contrato coa discográfica Motown, onde gravou o maior éxito da súa carreira, a canción "My Guy", de 1964.[4] Tamén gravou un dúo con Marvin Gaye, con quen tivo os éxitos "Once Upon a Time" e "What's the Matter With You, Baby?".
Ao cumprir vinte anos, Wells decidiu romper o seu contrato coa Motown e asinou con 20th Century Fox un contrato de 200 000 dólares. Alén da música, tiña a promesa dunha carreira cinematográfica, mais na nova compañía Wells non repetiu o éxito que obtivera na Motown. A pesar de ter un relativo éxito cos seus tres primeiros sinxelos para Fox, o seu álbum fracasou comercialmente e o seu contrato foi rescindido.
Wells asinou entón cunha nova discográfica, Atco (subsidiaria da Atlantic Records).[1] Aínda que o seu primeiro sinxelo, "Dear Lover", chegase ao sexto lugar na lista R&B da Billboard, os seguintes fracasaron. En 1968 asinou con Jubilee Records, mais novamente non logrou éxito, o mesmo que pasou coa discográfica Reprise Records.
A súa carreira renaceu en 1981 cando gravou o álbum In and Out of Love, lanzado por Epic Records. O sinxelo "Gigolo" converteuse nun grande éxito e chegou ao número dous na lista disco da Billboard.[5]
Mary Wells faleceu en 1992 por mor dun cancro de larinxe aos 49 anos.[6]
Notas editar
- ↑ 1,0 1,1 1,2 Colin Larkin, ed. (1997). The Virgin Encyclopedia of Popular Music. Virgin Books (Concise ed.). p. 1244. ISBN 1-85227-745-9.
- ↑ 2,0 2,1 "Mary Wells Biography". Musician Biographies. Urbana, Illinois: Net Industries, LLC. febreiro de 2009. Consultado o 2 de febreiro de 2009.
- ↑ "Mary Wells, 49, the Pop Singer Who Made 'My Guy' a 60's Hit". The New York Times. 27 de xullo de 1992. Consultado o 27 de xuño de 2017.
- ↑ Murrells, Joseph (1978). The Book of Golden Discs (2nd ed.). Londres: Barrie and Jenkins Ltd. pp. 168 & 184. ISBN 0-214-20512-6.
- ↑ "Mary Wells – Charts". AllMusic. Arquivado dende o orixinal o 15 de outubro de 2012. Consultado o 27 de xuño de 2017.
- ↑ "Mary Wells, 49, the Pop Singer Who Made 'My Guy' a 60's Hit". Nytimes.com. 27 de xullo de 1992. Consultado o 27 de outubro de 2017.