Marcelino Martínez Morás

Marcelino Martínez Morás, nado na Coruña o 28 de novembro de 1895 e finado en Vigo o 9 de novembro de 1963, foi un xornalista e escritor galego.

Marcelino Martínez Morás

Biografía
Nacemento	28 de novembro de 1895 A Coruña, España
Morte	9 de novembro de 1963 (67 anos) Vigo, España
Datos persoais
País de nacionalidade	España
Actividade
Ocupación	xornalista
Membro de	Real Academia Galega (membro correspondente)
Lingua	Lingua castelá
Familia
Pai	Andrés Martínez Salazar
Irmáns	Fernando Martínez Morás e Andrés Martínez Morás

Traxectoria

Síntesis económica de Galicia.

Profesor mercantil, foi caixeiro da casa Jáudenes Bárcena. Foi director da Escola Profesional de Comercio de Vigo (1954-1961). Foi cónsul honorario de Bolivia en Vigo, encargado do consulado de Cuba na mesma cidade e tesoureiro, secretario e decano do corpo consular de Vigo. Colaborou na prensa (Faro de Vigo, El Pueblo Gallego, Industria Conservera, La Noche, La Voz de Galicia, Boletín da Real Academia Galega, segunda época de Vida Gallega… ) usando ás veces os pseudónimos de Emetrés ou Noezas. É autor de Síntesis económica de Galicia (1958). Foi membro correspondente da Real Academia Galega.

Vida persoal

Casou na Coruña con Juana Soria Rey en 1921. Moitos anos despois, en 1991, o seu fillo Andrés Martínez-Morás Soria foi socio fundador do Instituto de Estudios Vigueses e foi o seu primeiro director.

Véxase tamén

Bibliografía

• "Martínez Morás, Marcelino". Dicionario biográfico de Galicia 2. Ir Indo Edicións. 2010-2011. p. 285. 
• Martínez-Morás Soria, Andrés (2005). "Martínez Morás, Marcelino". Gran Enciclopedia Galega Silverio Cañada (DVD). El Progreso. ISBN 84-87804-88-8. 

Outros artigos

• Andrés Martínez Morás
• Fernando Martínez Morás