Fernando Martínez Morás

Fernando Martínez Morás, nado na Coruña o 31 de maio de 1885 e finado en León o 11 de setembro de 1937, foi un xeógrafo e escritor galego.

TraxectoriaEditar

Fillo de Andrés Martínez Salazar. Foi comisario pola Coruña na Exposición Rexional de 1909 e concelleiro da Coruña^[2]. Ingresou na Real Academia Galega o 20 de novembro de 1926 co discurso La toponimia de Galicia, respondido por Eladio Rodríguez González^[3]. Foi secretario da Real Academia Galega dende 1927. Redactor de La Voz de Galicia, publicou artigos no Boletín de la Real Academia Gallega e noutras revistas de historia e literatura.

Amais de á RAG, pertenceu a outras institucións, como a Comisión Provincial de Monumentos, a Real Academia Provincial de Belas Artes e foi secretario do Instituto de Estudios Gallegos.

Morreu por mor dun accidente de tráfico, mentres cubría como xornalista a guerra civil española^[4].

Fernando Martínez Morás, 1910.

Las alarmas de Galicia, 1908.
La Junta Superior de Subsidios, Armamento y Defensa del Reino de Galicia, 1908.
Medios prácticos de fomentar entre la juventud el amor al estudio y el alejamiento de aquellos lugares en que puedan peligrar su honradez y buenas costumbres, 1916.
Guía del turista, 1926.
La región gallega. Notas geográfico-económicas, 1926, en colaboración con María de los Ángeles Lens de Patiño.