María Alonso Pérez
María del Carmen Alonso Pérez, nada en Pontevedra o 2 de xuño de 1905,[1] foi unha mestra galega.
| Biografía | |
|---|---|
| Nacemento | 2 de xuño de 1905  (118 anos)Pontevedra, España |
| Datos persoais | |
| País de nacionalidade | España |
| Actividade | |
| Ocupación | mestra |
Traxectoria editar
Foi nomeada mestra interina de Millarada en 1927.[2] Pediu a excedencia. Reintegróuse ao maxisterio como mestra de Mourente dende 1933. Co golpe de Estado do 18 de xullo de 1936 foi suspendida polo gobernador civil.[3] Logo da suspensión inicial, o reitorado sancionouna cun mes de suspensión e volveu ocupar o seu posto. Sufriu un caso de extorsión disfrazada de doazón, pois tivo que "doar" 500 pesetas para evitar o rapado do pelo.[4] O 27 de abril de 1937 a Comisión Depuradora do Maxisterio de Pontevedra acordou sancionala coa separación definitiva do ensino baixo a acusación de: Anticatólica, simpatizante do Frente Popular, aconsellar e premiar ás nenas para que non fosen á igrexa e de adornar a escola o primeiro de maio con motivo da “fiesta del marxismo”. Presentou escritos de alegacións conseguindo que se revisase a sanción transformándoa en traslado dentro da provincia, perda de haberes no tempo da suspensión e inhabilitación para cargos directivos e de confianza en institucións culturais e do ensino. Volve solicitar a revisión do seu expediente de depuración e o 23 de xaneiro de 1941 resólvese coa confirmación no seu posto.
Vida persoal editar
Casou con Primo Arjona Cao en decembro de 1929.[5]