Manuel del Río Botana
Manuel del Río Botana, nado en Sar (Ordes) o 20 de outubro de 1918 e finado no mesmo concello o 15 de maio de 1945, foi un enlace da guerrilla antifranquista galega.
| Biografía | |
|---|---|
| Nacemento | 20 de outubro de 1918  Ordes, España |
| Morte | 15 de maio de 1945 (26 anos) Santa Cruz de Montaos, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Traxectoria editar
Domicialido en Sar. Cando estalou o golpe de Estado do 18 de xullo de 1936 era menor de idade, tomou parte na defensa de Santiago de Compostela e da Coruña armado cunha escopeta e foi detido o 30 de xullo. Foi procesado xunto aos de Ordes e condenado a 12 anos e 1 día de cárcere. Pasou polas cadeas de Ordes, Santiago de Compostela, A Coruña, Vitoria e os Talleres Penitenciarios de Alcalá de Henares. A condena foi conmutada á metade do tempo de reclusión e saíu en liberdade provisinal o 20 de xullo de 1941.[1] Foi reclamado para cumprir o servizo militar obrigatorio e estivo destinado nun dos batallóns disciplinarios de soldados traballadores de Bilbao. De regreso a Ordes contactou co grupo de Manuel Ponte Pedreira. Morreu aos 26 anos a mans da Garda Civil o 15 de maio de 1945 no lugar de Queis, parroquia de Santa Cruz de Montaos (Ordes).[2]
Na súa homenaxe, Manuel Ponte Pedreira creou en 1946 o destacamento que leva o seu nome, dentro da IV Agrupación do Exército Guerrilleiro de Galicia.
Notas editar
- ↑ BOE, 2-7-1941, p. 4901.
- ↑ "Censo das mortes violentas na Comarca de Ordes (1936 - 1952)" (PDF). Arquivado dende o orixinal (PDF) o 03 de xuño de 2018. Consultado o 10 de novembro de 2017.
Véxase tamén editar
Bibliografía editar
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 187–190. ISBN 978-84-1176-172-7.
- Pazos Gómez, Manuel (2011). A guerra silenciada. Mortes violentas na comarca de Ordes 1936-1952. Ordes: Asociación Cultural Obradoiro de Historia. pp. 58–59. ISBN 978-84-614-8181-1.
- Pazos, Manuel (2018). "Manuel del Río Botana". Sermos Galiza (283): 11.