Manuel Sáinz de Vicuña
Manuel Sáinz de Vicuña Camino, nado en Irún o 25 de marzo de 1888 e finado en Madrid o 14 de maio de 1973,[1] foi un arquitecto, empresario e político español.
| Manuel Sáinz de Vicuña | |
|---|---|
| Nacemento | 25 de marzo de 1888 e 27 de marzo de 1888 |
| Lugar de nacemento | Irún |
| Falecemento | 14 de maio de 1973 |
| Lugar de falecemento | Madrid |
| Nacionalidade | España |
| Ocupación | arquitecto, emprendedor e político |
| [ editar datos en Wikidata ] | |
Traxectoria editar
Fillo de Lesmes Sáinz de Vicuña Arrascaeta, fundador da sociedade Perfumería Gal, con Salvador Echeandía Gal. En 1893 a familia trasladouse a Madrid. Ingresou en 1906 na Escola Superior de Arquitectura de Madrid. Como arquitecto participou na construción do Barrio de Moratalaz e foi autor da praza de touros de Albacete, xunto co tamén arquitecto Julio Carrilero. Casou con Avelina García-Prieto Montero-Ríos, II marquesa de Alhucemas, filla de Manuel García Prieto en 1915. Foi elixido deputado representando ao Partido Liberal polo distrito de Ponferrada nas eleccións de 1916, polo distrito de Santiago de Compostela en 1918 e polo distrito de Lalín en 1919, 1920 e 1923. A partir de 1923 abandonou a vida política, dedicándose á arquitectura. Tamén foi conselleiro da empresa familiar Perfumería Gal, e na década dos corenta foi presidente de Occidente Seguros e fundou a Inmobiliaria Urbis, da que foi presidente.
Un colexio do barrio de Moratalaz, construído pola Inmobiliaria Urbis en 1962, leva o seu nome.