Manuel Rábade Rodríguez
Manuel Rábade Rodríguez, nado en Cospeito o 16 de febreiro de 1901 e finado en Lugo en marzo de 1991, foi un guerrilleiro antifranquista galego.
| Biografía | |
|---|---|
| Nacemento | 16 de febreiro de 1901  Cospeito, España |
| Morte | marzo de 1991 (90 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
Traxectoria editar
Veciño de Cospeito. Co golpe de Estado do 18 de xullo de 1936 foi detido o 24 de outubro e internado na cadea de Lugo. Xulgado en Lugo por rebelión na causa 1025/36, foi sobresido. Saíu en liberdade o 4 de febreiro de 1937. Abríronlle expediente de responsabilidades políticas en 1941,[1] que foi sobresido en 1944.[2] Novamente detido, acusado de ter contacto co Partido Comunista e con partidas de guerrilleiros, foi xulgado en consello de guerra o 6 de febreiro de 1948, e condenado por rebelión militar xunto con José Santiago Temprano, Victor López Rodríguez e Maximino Rodríguez Pérez. Estivo na Prisión Central de Burgos, de onde saíu en liberdade condicional en xuño de 1949.[3] Finou en Lugo a finais de marzo de 1991.[4]
Notas editar
- ↑ BOE, 3-10-1941, p. 3628-3629.
- ↑ BOP Lugo, 27-3-1944, p. 4.
- ↑ BOE, 24-7-1949, p. 3299.
- ↑ La Voz de Galicia, Lugo, 2-4-1991, p. 2.