Manuel Pérez Pérez

Manuel Pérez Pérez, nado en Santo Estevo de Budiño (Salceda de Caselas) o 10 de xuño de 1862, foi un xornalista e escritor galego.

Manuel Pérez Pérez

Biografía
Nacemento	10 de xuño de 1862 Santo Estevo de Budiño, España
Morte	século XX
Actividade
Ocupación	xornalista, escritor

Traxectoria

Estudou en Tui e aos dez anos emigrou a Porto. Dous anos despois embarcou con destino ao Brasil, onde foi capitán dun barco que realizaba travesías polos ríos do Mato Groso. Viviu unha tempada en Paraguai, e despois asentouse en Buenos Aires en 1893. Traballou no Banco Gallego do que foi contador dende a súa fundación. Publicou o seu primeiro traballo literario nun xornal do Río de Xaneiro, e despois colaborou con artigos, contos, poesías e crónicas en O Iniciador de Corumbá, La Democracia de Asunción, El Eco de la Pátria, La Infancia e El Pueblo de Goya, La Bandera Nacional de Curuzú Cuatiá, La Acacia, La Aurora, El Cascabel, La Prensa e a revista Caras y Caretas, El Eco de Galicia e Almanaque Gallego. Empregou en moitos dos seus traballos o pseudónimo de Numael Ezper.

Obras

• A la vejez, viruelas, 1890.
• El gobierno Rodriguista, 1905.
• La Revolución Malezalera, 1909.
• Sonetos, 1916.

Véxase tamén

Bibliografía

• Presa Vaqueiro, Xesús (2009). Manuel Pérez y Pérez, un salcedense no esquecemento. Vigo: Ediciones Cardeñoso. ISBN 978-84-8190-576-2. 

Ligazóns externas

• ¿Quién era Manuel Pérez Pérez?