Manuel Novo López

Manuel Novo López, nado en Moreda (Seoane do Courel) o 13 de outubro de 1895 e finado en Seoane do Courel o 23 de xaneiro de 1974, foi un industrial e político galego.

Manuel Novo López

Biografía
Nacemento	13 de outubro de 1895 Moreda, España
Morte	23 de xaneiro de 1974 (78 anos) Seoane do Courel, España
Datos persoais
País de nacionalidade	España
Actividade
Ocupación	político

Traxectoria

Militante de Unión Republicana, da que foi tesoureiro en Seoane do Courel en 1935. Logo do triunfo da Fronte Popular nas eleccións de febreiro de 1936 foi nomeado concelleiro e elixido alcalde de Folgoso do Courel o 18 de marzo. Co golpe de Estado do 18 de xullo de 1936 foi cesado. Estivo fuxido, agochado na súa casa de Moreda. Foi detido o 29 de abril de 1939 con Antonio Aira Domínguez e Manuel Rodríguez Pombo, e internado no cárcere de Monforte de Lemos. Pasou ao cárcere de Lugo o 5 de maio e foi xulgado en Lugo o 23 de novembro por auxilio á rebelión na causa 1004/36 xunto con Manuel Rodríguez Valcárcel, e condenado a 12 anos de prisión. Abríronlle expediente de responsabilidades políticas en marzo de 1940. Cumpriu condena na Prisión do Balneario de Lugo. Saíu en liberdade condicional o 13 de xullo de 1941. Finou en Seoane do Courel o 23 de xaneiro de 1974.

Vida persoal

Casou con Ángela López Díaz. Foi tío e padriño de Uxío Novoneyra.

Véxase tamén

Bibliografía

• Fernández, Eliseo (2022). "A guerrilla no courel: unha primeira achega". En Rodríguez Gutiérrez, Alejandro; Martínez Panizo, Laura. Federación de guerrillas de León-Galicia. Santiago de Compostela: Edicións Positivas. pp. 11–20. ISBN 978-84-126233-9-0. 

Ligazóns externas

• Manuel Novo López na páxina web Nomes e Voces.
• Ficha en Represión franquista en Lugo
• Expediente de Responsabilidades políticas acumulado nº 18/1940 contra Manuel Novo López e Manuel Rodríguez Valcárcel

• Expediente procesual de Manuel Novo López

Predecesor: ?

Alcalde de Folgoso do Courel  1936

Sucesor: ?