Manuel Mesejo Campos
Manuel Mesejo Campos, nado en Cuntis en 1901 e finado no mesmo concello o 9 de decembro de 1924, foi un poeta, dramaturgo e xornalista galego.
| Biografía | |
|---|---|
| Nacemento | 1901  Cuntis, España |
| Morte | 9 de decembro de 1924 (22/23 anos) Cuntis, España |
| Causa da morte | Morte natural (Tuberculose ) |
| Datos persoais | |
| País de nacionalidade | España |
| Actividade | |
| Ocupación | xornalista |
| Lingua | Lingua castelá |
Traxectoria editar
Fillo de labregos emigrados, primeiro na Habana e despois en Buenos Aires, foi un mozo cunha intensa actividade cultural: membro das Irmandades da Fala, actor e director teatral, autor de artigos e poemas en distintos medios (entre eles A Nosa Terra, El Compostelano, Diario de Galicia, El Ideal Gallego...), de varias novelas curtas e do poemario Manoxos; todas elas permanecen inéditas.
En 1922, despois de deixar os estudos, o mozo Manuel marchou á fronte a África, desde onde foi correspondente de guerra do xornal Galicia. Para este diario vigués enviaba os seus ‘Mosaicos del Rif’, asinados co pseudónimo de Frei Antón de Laiño e fortemente críticos coa actitude colonial dos españois en África. Compartiu tribuna en moitas ocasións con Xoán Xesús González e outros agraristas cuntienses en actos do movemento agrario local, nos que xostreaba sen tregua o caciquismo imperante na vila dos baños. Ademais ambos foron compañeiros de estudos en Maxisterio, e formaron parte da Asociación Normalista de Santiago, na que Xoán Xesús desempeñou o cargo de bibliotecario e Mesejo, o de vicepresidente.
O 9 de decembro de 1924 faleceu na súa casa de Cuntis, con tan só vinte e tres anos, a causa dunha tuberculose pulmonar.[1] Foron moitos os artigos que neste momento publicou o seu veciño de Sevil, Xoán Xesús, enxalzando as súas calidades humanas, ideolóxicas e literarias. Este sería ademais o encargado de presidir os actos de homenaxe que se celebraron en Cuntis, que incluíron unha emotiva velada necrolóxica.[2]
Notas editar
Véxase tamén editar
Bibliografía editar
- Seixo Pastor, Marcos (2001). "Os Nosos Xornalistas: Manuel Mesejo Campos, O Poeta De Guldrís". A Taboada IV.