Manuel Domínguez Santamaría
Manuel Domínguez Santamaría, nado na Arnoia en 1908 e finado en 1979,[1] foi un autor e director teatral e activista cultural galego do Uruguai.
| Biografía | |
|---|---|
| Nacemento | 1908  A Arnoia, España |
| Morte | 1979 (70/71 anos) |
| Datos persoais | |
| País de nacionalidade | España |
| Actividade | |
| Ocupación | director teatral |
| Lingua | Lingua castelá e lingua alemá |
Traxectoria editar
Emigrou a Montevideo aos sete anos de idade, onde cursou os estudos universitarios.[2] Anarquista, participou na creación da Universidade Popular en 1931. Fundou e dirixiu o "Teatro del Pueblo" en 1937 e foi director da primeira escola de arte dramática do país. En varios centros impartiu clases e cursos de Arte Escénica, Psicoloxía, Expresión Dramática e Historia do Teatro.[2] Foi xerente da compañía do gas de Montevideo. Colaborou en varias publicacións. Foi redactor de Alma Gallega na súa terceira etapa. Dirixiu a representación de O fidalgo, drama en tres autos, verso galego de Xesús San Luís Romero con Antón Crestar.[3] Impulsou "La Comedia Nacional" e, en 1962, o "Teatro Popular Galego". Presidiu o Centro Republicano Español de Montevideo.[4][5] Exerceu a dirección escénica e actuou como asesor artístico en varias institucións.[2]
Vida persoal editar
Casou coa actriz Flor de María Bonino.
Notas editar
- ↑ Pignataro Calero 1994.
- ↑ 2,0 2,1 2,2 Vilanova Rodríguez 2005.
- ↑ "Domínguez Santamaría, Manuel". Dicionario biográfico de Galicia 2. Ir Indo Edicións. 2010-2011. p. 11.
- ↑ "Domínguez Santamaría, Manuel". Enciclopedia Galega Universal 7. Ir Indo. 1999-2002. p. 404. ISBN 84-7680-288-9.
- ↑ "Domínguez Santamaría, Manuel". Diccionario enciclopédico galego universal 22. La Voz de Galicia. 2003-2004. p. 86. ISBN 84-7680-429-6.
Véxase tamén editar
Bibliografía editar
- The World Encyclopedia of Contemporary Theatre, varias edicións. Routledge (en inglés).
- Pignataro Calero, Jorge (1994). Directores teatrales del Uruguay : 50 retratos (en castelán). Montevideo: Editorial Proyección.
- Ulive, Ugo (2007). Memorias de teatro y cine (en castelán). Ediciones Trilce. pp. 19, 22, 24–27, 30, 31, 33, 38–40, 42–44, 82, 119. ISBN 978-9974-32-465-7.
- Vilanova Rodríguez, Aberto (2005). "Domínguez Santamaría, Manuel". Gran Enciclopedia Galega Silverio Cañada (DVD). El Progreso. ISBN 84-87804-88-8.