Manuel Díaz González

Manuel Díaz González, nado en Sirgueiros (O Incio) o 29 de xaneiro de 1886 e finado no mesmo concello o 11 de setembro de 1936, foi un médico e político galego.

Manuel Díaz González

Biografía
Nacemento	29 de xaneiro de 1886 Sirgueiros, España
Morte	11 de setembro de 1936 (50 anos) O Incio, España
Alcalde
Datos persoais
País de nacionalidade	España
Educación	Universidade de Santiago de Compostela
Actividade
Ocupación	médico , político
Lingua	Lingua castelá

Traxectoria

Foi o primeiro dos once fillos de Juan Díaz Mendoza. Con doce anos sufriu unha meninxite. Fixo o bacharelato en Santiago de Compostela e cando rematou, en 1907, iniciou os estudos de medicina na mesma cidade. Recibiu o título de médico en 1913. Exerceu a medicina en La Bañeza antes de trasladarse á Cruz do Incio a principios da década dos anos vinte.

O 16 de febreiro de 1924 foi elixido alcalde do Incio, posto no que permaneceu ata o 10 de novembro do mesmo ano, tamén foi deputado provincial. En 1929 foi nomeado médico municipal do Incio, continuando como tal ata 1936, e era coñecido como "O médico dos pobres" por non cobrar aos necesitados.

Na época da II República colaborou no periódico local Siembra, militou no Partido Republicano Gallego e máis tarde en Izquierda Republicana. Detido en agosto de 1936, foi asasinado o 11 de setembro no lugar de Casilla da Sierra, no km 11,1 da estrada de Laiosa á Cruz do Incio, na parroquia de Eirexalba.

Predecesor: '

alcalde do Incio  1924

Sucesor: '

Véxase tamén

Bibliografía

• Díaz Gómez, José Luis (2009). Represalia e desagravio dun médico lucense republicano. Sada: Do Castro. ISBN 978-84-8485-302-2. 
• Dr. Manuel Díaz González (1886-1936). O Pequeniño do Incio (PDF). O Incio: Familia Díaz. 2012. ISBN 978-84-616-2229-0. Consultado o 23/4/2013. 

Ligazóns externas

• Manuel Díaz González na páxina web Nomes e Voces.
• "O Incio acogerá un homenaje al médico republicano Manuel Díaz González" El Progreso, 30/9/2011 (en castelán).