Manuel Carrozas Varela
Manuel Carrozas Varela, nado en Sarria cara a 1907, foi un falanxista galego.
| Biografía | |
|---|---|
| Nacemento | c. 1907  (116/117 anos)Sarria, España |
| Datos persoais | |
| País de nacionalidade | España |
| Actividade | |
| Ocupación | político |
Traxectoria editar
Fillo de Luis Carrozas e Manuela Varela. Foi detido pola Garda Civil en 1921 como promotor dunha pelexa na que resultou un mozo ferido de escopeta.[1] Afiliado a Falange, a madrugada do 26 de xuño de 1936 foi autor do atentado contra o concelleiro e secretario de Izquierda Republicana de Sarria Pedro García Arcas, que resultou gravemente ferido polos disparos e morreu ao día seguinte, e do asasinato do tamén militante de IR Victorino Cabarcos López, no local da sociedade La Unión. Como protesta declarouse a folga xeral en Sarria.[2][3][4]
Co golpe de Estado do 18 de xullo de 1936 foi detido en Lugo por dous policías na madrugada do 23 de xullo por resistenza e insultos, pero desapareceu do Cuartel onde estaba retido antes do 1 de agosto.[5] Ao pouco tempo foi nomeado xefe de milicias de Falange de Sarria.[6] En 1948 ingresou no Instituto Psiquiátrico de Valladolid.[7]
Notas editar
- ↑ La Integridad, 25-10-1921, p. 2.
- ↑ Diario de Pontevedra, 27-6-1936, p. 2.
- ↑ El Pueblo Gallego, 27-6-1936, p. 12.
- ↑ La Voz de Galicia, 28-6-1936, p. 10.
- ↑ "Manuel Carrozas Varela". Sarria acento galego. 7 de abril de 2016.
- ↑ El Progreso, 4-10-1936, p. 4.
- ↑ Comisión Gestora de la Diputación (15 de xaneiro de 1948). "Sesión del 31 de diciembre de 1947". Boletín Oficial de la Provincia de Lugo. p. 237.
Véxase tamén editar
Ligazóns externas editar
- Cilia Torna (1 de novembro de 2013). "Para nós o matar é unha honra". Nós.