Manuel Candocia
Manuel Candocia Ramos, nado en Cedeira en 1945 e finado na Igrexa (As Somozas) o 19 de xaneiro de 2014[1], foi un político galego, alcalde das Somozas durante máis de tres décadas.
| Manuel Candocia | |
|---|---|
| Nacemento | 1945 |
| Lugar de nacemento | Cedeira |
| Falecemento | 19 de xaneiro de 2014 |
| Nacionalidade | España |
| Ocupación | político |
| [ editar datos en Wikidata ] | |
TraxectoriaEditar
Foi elixido alcalde das Somozas nas primeiras eleccións democráticas por UCD. Continuou no posto despois dos comicios de 1983 e 1987 ao encabezar as candidaturas de Coalición Galega e Coalición Progresista Galega. Nas eleccións municipais de 1991 presentouse polo PPdeG e obtivo de novo a maioría absoluta, que repetiu nas seguintes eleccións. Durante os seus mandatos construíuse o polígono empresarial das Somozas.
Propietario dun bar nas Somozas, foi tamén o presidente do club de fútbol Unión Deportiva Somozas dende 1984 ata o seu falecemento, trinta anos despois.
| Predecesor: ? |
 Alcalde das Somozas 1979 - 2014 |
Sucesor: Juan Alonso Tembrás |
Vida persoalEditar
Era fillo de solteira[2]. Faleceu na tarde do 19 de xaneiro do 2014 mentres presenciaba o partido que enfrontaba a UD Somozas e o CCD Cerceda, a causa dun infarto.
NotasEditar
- ↑ Falece o alcalde das Somozas, Manuel Candocia, mentres presenciaba un partido de fútbol Noticia en La Voz de Galicia
- ↑ "Pesar en Cedeira por la muerte de su abuela, María Candocia, a los 105 años". COPE Ferrol (en castelán). 2021-11-15. Consultado o 2021-11-25.
Véxase taménEditar
Outros artigosEditar
Ligazóns externasEditar
- Entrevista en La Voz de Galicia, 6 de novembro de 2008.
- Reportaxe en El País, 19 de maio de 2011 (en castelán).