Manolo Petaca
Manuel Fernández Rey, coñecido como Manolo Petaca, nado en Santiago de Compostela, é un exfutbolista e exadestrador de fútbol galego.
| Petaca | |||
|---|---|---|---|
| Información persoal | |||
| Nome | Manuel Fernández Rey | ||
| Lugar de nacemento | Santiago de Compostela | ||
| Posición | centrocampista | ||
| Carreira sénior | |||
| Anos | Equipos | Aprs | (Gls) |
| 1976–1978 | Vista Alegre | ||
| 1978–1983 | Lalín | ||
| Adestrador | |||
| 1981–1986 | Compostela (xuv.) | ||
| 1986–1987 | Compostela | ||
| 1988 | Compostela | ||
| 1988–1989 | Vista Alegre | ||
| 1989–1992 | Flavia | ||
| 1992–1993 | Cacheiras | ||
| 1993–1995 | Negreira | ||
| 1995 | Negreira | ||
| 1995–1999 | Atlético Fátima | ||
| 1999–2000 | Atlético Fátima (xuv.) | ||
| 2000 | Arousa | ||
| 2000–2001 | Órdenes | ||
| 2002–2004 | Atlético Fátima | ||
| 2005–2011 | Escravitude | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Xogou ao fútbol como centrocampista no Vista Alegre e no Lalín.[1][2] Dende 1981 compaxinou o labor de xogador do Lalín co de adestrador do equipo xuvenil da SD Compostela.[3]
En 1986 colleu as rendas do primeiro equipo, substituíndo a Dagoberto Moll tralo descenso do equipo á Terceira División.[4] O equipo renovou case completamente o seu cadro de xogadores, mantendo só ao gardameta Paco e ao capitán Villalba, e acabou a tempada no sexto posto. Continuou no banco do equipo compostelán na seguinte tempada, ata que foi destituído o 30 de novembro de 1987, sendo substituído por Arsenio Iglesias.[5] Con todo, regresou só uns meses despois, trala marcha de Arsenio ao Deportivo da Coruña, e ocupou o banco do equipo de Santiago ata o final de tempada.[6]
A continuación regresou ao Vista Alegre, desta vez como adestrador para a tempada 1988/89, pero foi cesado nos primeiros días de 1989, debido aos malos resultados.[7] A continuación adestrou durante tres tempadas ao Flavia, antes de poñerse á fronte do Cacheiras, equipo que mantiña unha colaboración co Compostela.[8] Entre 1993 e 1995 adestrou o Negreira. Foi cesado en abril de 1995, e contratado de novo só un mes despois.[9]
A continuación adestrou durante varios anos ao Atlético Fátima, e pasou brevemente polos bancos do Arousa e o Órdenes, antes de regresar ao Atlético Fátima. Entre 2005 e 2011 adestrou o Escravitude de Padrón.
Fóra do seu traballo en clubs, adestrou durante anos diversas seleccións santiaguesas de categorías inferiores, e en 2001 foi elixido para poñerse á fronte da nova selección feminina de fútbol de Galicia.[10] Nos seguintes anos continuou adestrando nas categorías inferiores da selección feminina.[11][12]
Notas editar
- ↑ "Porriño Ind., 3 Vista Alegre, 0". El Pueblo Gallego (en castelán) (18831). 8 de setembro de 1976. p. 22. Consultado o 15 de marzo de 2022.
- ↑ "Victoria 4-0 del C. D. Lalín sobre el Abella". El Pueblo Gallego (en castelán) (20583). 15 de marzo de 1979. p. 17. Consultado o 15 de marzo de 2022.
- ↑ "Manolo Rey, entrenador del Compostela juvenil". La Voz de Galicia (en castelán) (Santiago de Compostela ed.). 1 de xullo de 1981. p. 32.
- ↑ "El Compostela, que rejuveneció la plantilla, trabajará con jugadores de casa para tratar de recuperar la categoría perdida". La Voz de Galicia (en castelán). 29 de agosto de 1986. p. 38.
- ↑ "Arsenio iglesias firmó ayer compromiso como nuevo entrenador del Compostela". La Voz de Galicia (en castelán). 10 de decembro de 1987. p. 46.
- ↑ "Petaca sustituye a Arsenio hasta final de temporada". La Voz de Galicia (en castelán) (Santiago de Compostela ed.). 24 de febreiro de 1988. p. 49.
- ↑ "Canosa sustituye a Petaca al frente de la dirección técnica del Vista Alegre". La Voz de Galicia (en castelán). 4 de xaneiro de 1989. p. 43.
- ↑ "Manolo Petaca volvió al Compostela, pero entrenando al Cacheiras". La Voz de Galicia (en castelán). 5 de outubro de 1992. p. 44.
- ↑ "Petaca volvió al Negreira". La Voz de Galicia (en castelán) (Santiago de Compostela ed.). 23 de maio de 1995. p. 58.
- ↑ "Siete arousanas irán a Madrid con la selección gallega". La Voz de Galicia (en castelán). 20 de decembro de 2001. Consultado o 15 de marzo de 2022.
- ↑ "El fútbol no es cosa de hombres". La Voz de Galicia (en castelán). 11 de novembro de 2003. Consultado o 15 de marzo de 2022.
- ↑ "Dominio sin premio para Galicia, que se queda a las puertas de la final" (en castelán). 13 de xuño de 2015. Consultado o 15 de marzo de 2022.
Véxase tamén editar
Ligazóns externas editar
- Datos do adestrador en BDFutbol (en castelán).