Malvina Garrigues
Eugénia Malvina Garrigues (máis tarde Malvina Schnorr von Carolsfeld), nada o 7 de decembro de 1825 en Copenhague (Dinamarca) e finada o 8 de febreiro de 1904 en Karlsruhe (daquela no Gran Ducado de Baden e actualmente en Alemaña), foi unha soprano dinamarquesa de orixe portuguesa que desenvolveu a súa carreira en Alemaña. Ela e o seu home Ludwig Schnorr von Carolsfeld interpretaron os papeis principais da ópera de Richard Wagner Tristan und Isolde en 1865.
  | |
| Nome orixinal | (pt) Eugénia Malvina Garrigues (da) Malvina Schnorr von Carolsfeld |
|---|---|
| Biografía | |
| Nacemento | (pt) Eugénia Malvina Garrigues 7 de decembro de 1825 Copenhague, Dinamarca |
| Morte | 8 de febreiro de 1904 (78 anos) Karlsruhe |
| Lugar de sepultura | Alter Annenfriedhof (pt)  |
| Datos persoais | |
| País de nacionalidade | Reino de Portugal |
| Actividade | |
| Ocupación | cantante de ópera , compositora |
| Lingua | Lingua alemá |
| Tesitura | Soprano |
| Instrumento | Voz |
| Familia | |
| Cónxuxe | Ludwig Schnorr von Carolsfeld (1860–) |
  | |
Traxectoria editar
Primeiros anos e estudos editar
Malvina Garrigues foi filla do cónsul portugués na capital dinamarquesa, João António Henriques Garrigues, e a súa muller alemá de ascendencia francesa (Nanette Palmier). A raíña María II de Portugal asignou a seu pai como cónsul de Dinamarca por decreto o 17 de novembro de 1852, xa que logo non ten ascendencia brasileira, xa que foi bautizada no consulado portugués. Malvina estudou en París co célebre Manuel Patricio Rodríguez García.[1]
Carreira editar
Realizou o seu debut na ópera Robert le diable de Giacomo Meyerbeer en Breslau en 1841, onde cantou ata 1849.[1] De 1849 a 1853 traballou Hoftheater ducal en Coburg, e en Gotha e Hamburgo.[2] En 1854 foi contratada pola Ópera de Karlsruhe, onde coñeceu a Ludwig Schnorr von Carolsfeld, que era dez anos máis novo. Alí apareceron xuntos en varias óperas como Les Huguenots. Os dous se comprometeron en 1857 e casaron en abril de 1860.[3] O mesmo ano foron contratados pola Ópera da Corte de Dresde.[4]
Tras 70 ensaios do seu Tristan und Isolde en Viena e aínda procurando cantantes para realizala, Richard Wagner propúxolles os papeis principais a Malvina e Ludwig Schnorr von Carolsfeld. A estrea ía ter lugar o 15 de maio de 1865 en Múnic, mais foi posposta ao 10 de xuño a causa da rouquen de Malvina.[3][5]
Logo da morte repentina e prematura de Ludwig aos 28 anos de idade o 21 de xullo de 1865, tan só seis semanas despois da estrea, Malvina afundiuse nunha profunda depresión e nunca máis volveu cantar. Malvina introduciuse no espiritualismo, e foi influenciada por un dos seus alumnos médium a crer que estaba destinada a casar con Wagner. Isto provocou uns profundos celos cara Cosima von Bülow, que estaba a vivir abertamente con Wagner en Triebschen, e tratou de crear unha fenda entre eles.[5]
Posteriormente impartiu clases de canto en Frankfurt; entre os seus alumnos salientaron Heinrich Gudehus e Rosalie Miller.
Malvina Garrigues tamén escribiu un pequeno número de cancións adicadas a Jenny Lind, con textos de Heinrich Heine e Lord Byron. Tamén publicou algúns poemas dela e seu home.[1][6][7]
Morreu en Karlsruhe en 1904 aos 78 anos de idade e foi incinerada en Heidelberg. As súas cinzas se encontran en Dresde.[5]
Foi obxecto dun espectáculo escénica dunha soa muller, O, Malvina!, creado por Gwyneth Jones,[8] que tamén a encarnou no filme de 1983 Wagner.
Notas editar
- ↑ 1,0 1,1 1,2 John Warrack, en The Grove Book of Opera Singers
- ↑ The Diaries of Giacomo Meyerbeer
- ↑ 3,0 3,1 jrank.org
- ↑ Eric Blom, Dictionary of Music
- ↑ 5,0 5,1 5,2 The Androom Archives
- ↑ "Music by Women Composers". Arquivado dende o orixinal o 05 de febreiro de 2006. Consultado o 29 de xullo de 2013.
- ↑ "Lied and Art Song Texts Page". Arquivado dende o orixinal o 10 de xuño de 2011. Consultado o 29 de xullo de 2013.
- ↑ Gwyneth Jones site
Véxase tamén editar
| A Galipedia ten un portal sobre: Ópera |
Ligazóns externas editar
- Biografía (en inglés)
- Obras como compositora (en inglés)
- Os primeiros Tristan e Isolde (en inglés)