Luis González Taboada
Luis González Taboada, nado en Lalín o 4 de xuño de 1918 e finado na mesma vila o 1 de agosto de 2009, foi un médico e político galego, alcalde de Lalín.
| Biografía | |
|---|---|
| Nacemento | 4 de xuño de 1918  Lalín, España |
| Morte | 1 de agosto de 2009 (91 anos) Lalín, España |
| Alcalde de Lalín | |
| | |
| Datos persoais | |
| País de nacionalidade | España |
| Actividade | |
| Ocupación | médico , político |
| Lingua | Lingua castelá |
| Familia | |
| Fillos | Nicolás González Aller |
Traxectoria editar
Fixo o bacharelato no Instituto de Santiago de Compostela e estudou medicina nas universidades de Santiago de Compostela e Madrid. Foi médico interno do Hospital Clínico de San Carlos de Madrid. Militante de Falange dende 1935, combateu na guerra. Concelleiro de Lalín polo terzo de cabezas de familia dende 1947, foi nomeado alcalde de Lalín polo Ministro da Gobernación en 1957, tomando posesión o 20 de xullo.[1] Premaneceu no cargo ata as primeiras eleccións democráticas en 1979. Foi tamén deputado provincial na Deputación de Pontevedra. Foi impulsor da Feira do cocido de Lalín. Foi proclamado candidato a procurador en Cortes en setembro de 1971,[2] aínda que uns días despois retirou a súa candidatura.[3] Nas eleccións municipais de 1979 presentouse como concelleiro na candidatura de Coalición Democrática, que foi derrotada pola lista independente encabezada por Xosé Cuíña. Finou en Lalín o 1 de agosto de 2009.[4]
| Predecesor: Alfonso Garra Goyanes |
 Alcalde de Lalín 1957 - 1979 |
Sucesor: Xosé Cuíña |
Recoñecementos editar
- Medalla da Vieja Guardia.
- Cruz de Cabaleiro da Orde de Cisneros, 1958.
- Orden Imperial del Yugo y las Flechas.
- Encomienda de Número de Mérito Civil.
- Foi nomeado Fillo predilecto de Lalín. Unha rúa na vila de Lalín leva o seu nome.
Vida persoal editar
Casou con Luisa Aller Pinacho e foi pai de Nicolás González Aller e outros sete fillos.
Notas editar
- ↑ La Noche, 23-7-1957, p. 7.
- ↑ El Pueblo Gallego, 15-9-1971, p. 14.
- ↑ El Pueblo Gallego, 25-9-1971, p. 16.
- ↑ "Falleció el ex alcalde Luis González Taboada". Arquivado dende o orixinal o 09 de marzo de 2016. Consultado o 11 de febreiro de 2011.
Véxase tamén editar
Bibliografía editar
- González Alén, Daniel (2004). 25 anos de corporacións democráticas no Concello de Lalín (1979-2004). Lalín: Seminario de Estudios de Deza. ISBN 84-609-3810-7.