Luis Barrena

Luis Barrena Alonso de Ojeda, nado en Sigüenza (Guadalaxara) en 1895 e finado en Outes o 21 de agosto de 1936, foi un avogado e político español.

Luis Barrena
Nacemento	1895
	Sigüenza
Falecemento	21 de agosto de 1936
	Outes
Nacionalidade	España
Ocupación	avogado e político
[ editar datos en Wikidata ]

Traxectoria

Avogado de profesión, adquiriu certa celebridade por asumir varios casos de considerable repercusión social nos anos vinte e trinta.

Membro de Unión Republicana, foi elixido deputado en febreiro de 1936 en representación do Fronte Popular por Melilla.

Nos momentos iniciais da Guerra Civil española acudiu a Muros, lugar co que tiña vínculos pola familia da súa muller Carmen Doval. Foi sacado da súa casa por un grupo de falanxistas na noite do 21 de agosto de 1936. A mañá seguinte atoparon o seu cadáver no Freixo de Sabardes (Outes) con dous tiros na cabeza. No lugar onde o atoparon puxeron un monólito na súa memoria.

Vida persoal

Casou en 1922 con Carmen Doval del Campo, filla de Gerardo Doval Rodríguez, e tivo seis fillos.

Véxase tamén

Ligazóns externas

• Galicia rinde homenaje al diputado republicano por Melilla Luis Barrena, El Heraldo de Melilla, 21 de xullo de 2009.
• La muerte a manos de los franquistas del diputado por Melilla y jurisconsulto Luis Barrena (infomelilla.com, 26 de marzo de 2007).
• Ficha no Congreso dos Deputados
• Luis Barrena na páxina web Nomes e Voces.