Lorca Atlético Club de Fútbol
O Lorca Atlético Club de Fútbol é un club de fútbol de España, da cidade de Lorca, na Rexión de Murcia. Foi fundado en 2010 e actualmente xoga na Terceira División Española.
| Lorca Atlético | |||
|---|---|---|---|
| Nome | Lorca Atlético Club de Fútbol | ||
| Fundación | 13 de xullo de 2010 | ||
| Estadio | Francisco Artés Carrasco, Lorca, Murcia  | ||
| Inauguración | 6 de marzo de 2003 | ||
| Capacidade | 8.500 espectadores | ||
| Presidente | Cristóbal Sánchez | ||
| Adestrador | Benigno Sánchez | ||
| Liga | Terceira División Española | ||
| 2011-12 | 16º (Segunda División B) | ||
| Na rede | |||
| http://www.lorcaatletico.es.tl/ | |||
| |||
Historia editar
No verán de 2010, ante a grave situación económica do Lorca Deportiva, o empresario Cristóbal Sánchez Arcas funda o Lorca Atlético Club de Fútbol. O desexo de Cristóbal Sánchez, a pesar de que parte da afección de Lorca prefire comezar cun proxecto máis humilde desde a categoría máis baixa, é que o novo club comece en Segunda División B. Para iso establece conversacións con varios clubs murcianos na categoría con graves problemas para continuar na categoría. Tras non frutificar as negociacións co Caravaca nin co Jumilla consegue chegar a un acordo para comprar a praza do Sangonera Atlético.[1]
O 19 de xullo chega a confirmación desde a RFEF de que o novo equipo poderá competir na categoría. O mesmo día anúnciase tamén a Benigno Sánchez Yepes, adestrador lorquino, como primeiro adestrador do club. O luns 26 de xullo preséntase o novo club en sociedade, o equipo terá un orzamento de 750.000 € e anúncianse os primeiros xogadores. Ao día seguinte comezan os adestramentos no Artés Carrasco.
O primeiro partido, amigable, dispútase o 12 de agosto en Pulpí contra o Atlético Pulpileño. O centrocampista Roberto Casabella anota o primeiro gol da historia do equipo lorquino. O 15 de agosto gaña o tradicional Trofeo Praia e Sol ao Águilas FC por 1-2. O día 28 de agosto debuta en partido oficial ante o Betis B cunha vitoria pola mínima con gol de Jaime.
Uniforme editar
- Uniforme titular: Camiseta branquiazul, pantalón azul, medias azuis.
- Uniforme alternativo: Camiseta vermella, pantalón vermello, medias vermellas.
Estadio editar
- Artigo principal: Estadio Francisco Artés Carrasco.
O Lorca Atlético xoga no Estadio Francisco Artés Carrasco, con capacidade para 8.500 persoas.
Datos do club editar
Historial na liga editar
| Tempada | Categoría | Posto |
|---|---|---|
| 2010/11 | 2ªB | 15º |
| 2011/12 | 2ªB | 16º 
|
| 2012/13 | 3ª |
Xogadores editar
Cadro 2010/11 editar
Actualizado a 1 de setembro de 2010.
|
|
Palmarés editar
Torneos amigables editar
- Trofeo Playa y Sol (1): 2010
Notas editar
- ↑ Pedro Ré, La Verdad (2010). "Lorca e Sangonera Atlético fusiónanse.". Consultado o 10 de xullo.