Lobos de Arga

Lobos de Arga é un filme español de comedia e terror protagonizada por Gorka Otxoa e dirixida por Juan Martínez Moreno, con localizacións en Galicia. Estreouse en galego na TVG o 14 de abril de 2014.

Lobos de Arga
Ficha técnica
Título orixinal	Lobos de Arga
Director	Juan Martínez Moreno
Produtor	Tomás Cimadevilla
Guión	Juan Martínez Moreno
Intérpretes	Gorka Otxoa Carlos Areces Secun de la Rosa Manuel Manquiña Luis Zahera Mabel Rivera
Música	Sergio Moure
Fotografía	Carlos Ferro
Montaxe	Nacho Ruiz Capillas
Estudio	Telespan 2000 Vaca Films
Distribuidora	Telespan 2000
Estrea	7 de outubro de 2011 14 de abril de 2014 (TVG)
Duración	104 minutos
Orixe	España Galicia
Xénero	Terror e comedia
Na rede

Sinopse

No ano 1910 a Marquesa dos Mariño de Arga (Galicia) recibiu unha maldición dunha xitana sentenciada a morte pola propia marquesa. Cando o seu fillo varón cumpra 10 anos converterase nun lobishome, ademais de que os veciños tamén se converterán unha vez cada 100 anos.

Un século despois, o último descendente dos Mariño, Tomás (Gorka Otxoa), un escritor mediocre, regresa á súa aldea para recibir unha homenaxe sen saber que a "honra" é ser sacrificado nun ritual no que debe alimentar á besta co seu propio sangue para acabar coa maldición.

Personaxes

• Gorka Otxoa como Tomás Mariño
• Carlos Areces como Calixto
• Secun de la Rosa como Mario
• Manuel Manquiña como Evaristo
• Luis Zahera como Sarxento da Garda Civil
• Mabel Rivera como Avoa de Tomás Mariño
• Coté Soler como Garda Civil
• Marcos Ruíz como Diego
• Xosé Manuel Olveira "Pico" como Dono do bar
• Dorotea Bárcena como Muller do dono do bar
• Xulio Lago como Home cego
• Ramsés como Vito, o can

Produción

É unha coprodución de Vaca Films e Telespan 2000, na que participou tamén a TVG. Rodouse durante nove semanas entre Galicia e Madrid e contou cun orzamento de 5 millóns de euros, dos que unha boa parte se destinou ós efectos especiais, maquillaxe e caracterizacións.

Galardóns e nomeamentos

• 2011: Premio do Público á mellor longametraxe da Semana de Cine Fantástico e de Terror de San Sebastián.
• 2012: Premio do Público no Dead by Dawn Horror Film Festival (Escocia).

Premios Mestre Mateo

Ano	Categoría	Receptor	Resultado
11ª edición	Mellor filme	Tomás Cimadevilla	Nomeado
	Mellor montaxe	Nacho Ruíz Capillas	Nomeado
	Mellor maquillaxe e peiteado	Raquel Fidalgo e Fermín Galán	Gañador

Véxase tamén

Ligazóns externas

• Lobos de Arga na IMDb (en inglés). (en inglés)
• Web oficial da película (en castelán)
• Vídeos da rodaxe en rtve.es (en castelán)
• Ficha no soportal do audiovisual galego.