Lingua tártara

A lingua tártara ou tátara (en tártaro latino: tatar tele, tatarça; en tártaro cirílico: татар теле, татарча) é unha lingua turca, a lingua dos tártaros. Fálano seis millóns de persoas na república rusa de Tatarstán, en Baskiria e outras comunidades de Rusia.

Tártaro татарча, tatarça, تاتارچا
Falado en:	Rusia, Ucraína, Turquía, China, Finlandia
Total de falantes:	8 millóns
Familia:	Linguas turcas  Noroccidental   Uralo-caspiana    Tártaro
Estatuto oficial
Lingua oficial de:	Tatarstán
Códigos de lingua
ISO 639-1:	tt
ISO 639-2:	tat
ISO 639-3:	tat
Mapa
Status
O tártaro está clasificado como "en estado seguro" polo Libro Vermello das Linguas Ameazadas da UNESCO

Escritura

Os antepasados do pobo tártaro usaron o alfabeto orkhon. No século X empezou a usarse o alfabeto árabe. En 1927 foi adoptado o yanalif (en ruso: яналиф), un alfabeto baseado no latino, xa que por entón as autoridades comunistas querían latinizar a escritura de todas as linguas da antiga Unión Soviética. En 1939 este alfabeto foi substituído por un baseado no alfabeto cirílico.

O 15 de setembro de 1999 unha lei da república rusa de Tatarstán reintroduciu o alfabeto latino, agora denominado yanalif-2. Pero o 16 de novembro de 2004 o Tribunal Constitucional da Federación Rusa derrogou dita lei por incompatibilidades coa Constitución de Rusia. Polo tanto de iure o alfabeto do tártaro é o baseado no alfabeto cirílico, aínda que moitas veces úsase de facto o alfabeto latinizado.

Clasificación

O tártaro é unha lingua turca, considerada parte da disputada familia altaica de linguas.

Distribución xeográfica

O tártaro fálase en partes de Europa, Rusia, China, Turquía, Polonia, Ucraína, Finlandia, Estonia e Asia Central.

Véxase tamén

Outros artigos

• Pobo tártaro
• Alfabeto tártaro
  • Cirilización
  • Romanización
• Literatura en tártaro
• Lista de linguas de Rusia

Ligazóns externas

• O tártaro no Ethnologue Arquivado 12 de setembro de 2019 en Wayback Machine. (en inglés)