Liga Galega de Wáter-polo
A Liga Galega de Wáter-polo é unha competición de wáter-polo de carácter anual, que se disputa en Galicia e que está regulamentada pola Federación Galega de Natación[1]. Constitúe a quinta categoría estatal e a máxima categoría da Liga Galega de Wáter-polo. O vencedor desta ten dereito a disputar o play-off de ascenso á Terceira división española de wáter-polo.
| Liga Galega de Waterpolo | |
|---|---|
 | |
| Rexión |  Galicia |
| Equipos | 7 |
| Copa | Copa de Galicia |
| Descenso | Segunda división galega |
| Actual campión | CW Santiago |
| Organizador | Federación Galega de Natación |
| Sitio web | www.fegan.org |
 Liga Galega 2021-22 | |
Equipos editar
Tempada 2021/2022 editar
Na tempada 2021-2022 forman a liga sete equipos:
Sistema de competición editar
| Posto | Clasificación |
| 1º | Play-off ascenso 2º división |
| 2º | |
| 3º | |
| 4º | |
| 5º | Play-off permanencia |
O sistema de competición consta dunha fase regular, onde os cinco equipos enfróntase entre eles por partida dobre, de xeito que cada equipo xoga contra os demais tanto como local coma como visitante. Cada vitoria suma 3 puntos na clasificación. Os empates suman un punto e as derrotas ningún. Ao finalizar os enfrontamentos da liga regular, os catro equipos que máis puntuación acaden disputan un play-off polo título, mediante dúas semifinais e unha final, disputadas a dobre partido. Nas semifinais enfróntanse o primeiro contra o cuarto clasificado, e o segundo contra o terceiro. Os vencedores de cada semifinal enfróntanse entre eles, sendo o gañador desta o que se fai co título de liga.
O gañador do título de liga, á súa vez, gaña o dereito a disputar a fase de ascenso á Terceira División Española de Wáter-polo.
Pola parte baixa da clasificación, o último clasificado xoga outro play-off polo descenso, enfrontándose ao primeiro clasificado da Segunda División. Neste encontro a partido dobre, o gañador acada unha praza na primeira división, ben mantendo a categoría, ben conseguindo o ascenso.
Edicións editar
O equipo que máis veces conquistou o título da Liga Galega de Wáter-polo foi o Club Natación A Coruña, gañándoa en 7 ocasións consecutivas: dende a primeira edición na tempada 2002/2003 até a tempada 2008/2009. O Club Waterpolo Santiago (3); e o Club Waterpolo Galaico (2), antes coñecido coma Club Natación Pontevedra[3], son os outros dous equipos galegos posuidores do título de liga.
Palmarés editar
Desde a tempada 2002/2003, tres foron os vencedores do título de liga:
CN Coruña: 8 títulos
CW Santiago: 3 títulos
CW Galaico: 2 títulos
Notas editar
- ↑ Arquivo PDF da circular da Federación Galega de Natación regulamentando a Liga Galega de Wáter-polo[Ligazón morta]
- ↑ Club Marina Ferrol (ed.). "Historia de a sección Waterpolo" (PDF). Consultado o 20 de outubro de 2014.
- ↑ Pontevedra Viva (ed.). "A sección de waterpolo desvincúlase do Club Natación Galaico". Consultado o 20 de outubro de 2014.