Leksands IF
O Leksands IF é un equipo de hóckey sobre xeo da cidade de Leksand (Suecia). Actualmente xoga na SHL, a máxima categoría do hóckey sobre xeo sueco, tras clasificarse na Kvalserien. Ao longo da súa historia, o Leksand xogou 53 tempadas na máxima categoría. O equipo xoga os seus partidos como local no Tegera Arena, un pavillón con capacidade para 7.650 espectadores.
| Leksands IF | |
|---|---|
 | |
| Fundación | 1938 |
| Cidade | Leksand, Dalarna Suecia |
| Estadio | Tegera Arena (7.650 espectadores) |
| Liga | SHL |
| Director | Tommy Salo |
| Adestrador | Andreas Appelgren |
| Cores | Azul e branco |
| Na rede | |
| http://www.leksandsif.se/ | |
    | |
Historia editar
O club foi fundado en 1919, mais o primeiro partido de hóckey sobre xeo tivo lugar en 1938, cando o Leksands derrotou por 11 goles a 0 ao Mora IK. O Leksands IF é un dos equipos máis populares en Suecia, a pesar de que a cidade de Leksand conta cunha poboación de 6.000 habitantes. O equipo xogou na máxima categoría do hóckey sobre xeo sueco entre 1951 ata 2001, sendo a súa etapa máis exitosa entre 1969 e 1975, cando o club conseguiu os seus catro títulos (tres deles consecutivos entre 1973 e 1975) e dous subcampionatos en 1971 e 1972 (sumados aos conseguidos en 1959 e 1964). A pesar de todos estes éxitos, o Leksands nunca gañou a liga dende que se establecera a Elitserien en 1975, colleitando tres campionatos da liga regular en 1980, 1994 e 1997, e conseguindo o subcampionato da liga en 1989. En 2001 era o club con máis tempadas consecutivas na máxima categoría ata o momento (o récord está agora en mans do Södertälje SK, con 53 participacións consecutivas entre 1925 e 1978).
Palmarés editar
- 4 Le Mat Trophy: 1969, 1973, 1974 e 1975
Xogadores editar
Números retirados editar
Números honoríficos editar
Véxase tamén editar
| Wikimedia Commons ten máis contidos multimedia na categoría: Leksands IF |