Lekë Dukagjini
Lekë Dukagjini (tamén chamado Alexander Doucaghini), nado en Lipjan en 1410 e finado en 1481, foi un príncipe albanés que loitou contra o Imperio Otomán. Contemporáneo do heroe nacional albanés Skanderbeg, Dukagjini é coñecido polo código de leis que instituíu no norte de Albania.
.jpg)  | |
| Biografía | |
|---|---|
| Nacemento | 1410 Principality of Dukagjini (en)  |
| Morte | 1481 (70/71 anos) |
 King of Albania (en) | |
| | |
| Datos persoais | |
| País de nacionalidade | Albania |
| Relixión | Cristianismo |
| Actividade | |
| Ocupación | líder militar |
| Familia | |
| Familia | Dukagjini family (en) |
| Pai | Pal Dukagjini (en) |
Biografía editar
Acéptase que Leke Dukagjini naceu en Ulpiana (actual Lipjan, Kosovo), aínda que documentos do Arquivo Vaticano localizan o seu nacemento preto de Pukë.
En 1446 tomou posesión do condado do seu pai Pal Dukagjini. Dirixiu a Liga de Lezhë en 1444.
Dukagjini loitou contra os Otománs baixo o mando de Skanderbeg, e nos períodos de paz tamén loitou contra o propio Sanderberg nun período no que as lealdades en Albania eran frecuentemente cambiantes.
Tras a morte de Skanderbeg, e ata a súa propia en 1481, Dukagjini continuou a loita contra os otománs, contando con apoios da República de Venecia e dos Estados Pontificios.
Legado editar
Se Skanderbeg pasou á historia albanesa coma o "príncipe dragón" que se enfrontou a tódolos inimigos da nación, Dukagjini aparece nas crónicas coma o príncipe sabio que garantiu a continuidade da cultura albanesa. O principal motivo deste recoñecemento é o Kanun (Kanuni i Lekë Dukagjinit ou Código de Lekë Dukagjini) un conxunto de leis que perdurou no tempo nas terras altas do norte de Albania. No século XIX Shtjefën Gjeçov poría o código por escrito.
Os éxitos militares de Dukagjin na loita cos otománs foron parciais, e tampouco conseguiu unificar os albaneses coma Skanderbeg fixera. Así, Albania foi sometida polos otománs antes de finalizar o século.